Erjan Qazanbaev QR Saýda jáne ıntegratsııa mınıstrliginiń Saýda komıtetiniń tóraǵasy boldy

NUR-SULTAN. QazAqparat - Qazaqstan Respýblıkasy saýda jáne ıntegratsııa mınıstriniń buıryǵymen Erjan Qaldybaıuly Qazanbaev Qazaqstan Respýblıkasy Saýda jáne ıntegratsııa mınıstrliginiń Saýda komıtetiniń tóraǵasy qyzmetine taǵaıyndaldy.

Bul týraly QR Premer-Mınıstriniń baspasóz qyzmeti habarlaıdy.

Erjan Qazaqbaev 1983 jyly Almaty oblysynda dúnıege kelgen. Almaty tehnologııalyq ýnıversıtetin, Aberdın ýnıversıtetin bitirgen.

Eńbek jolyn 2008 jyly «Ekspress Bank» AQ-da komplaens-baqylaýshy bolyp bastaǵan. Sondaı-aq kommertsııalyq qurylymdarda jumys istedi.

2010-2012 jyldary — QR Ekonomıka jáne bıýdjettik josparlaý mınıstrliginiń Investıtsııalyq saıasat departamentiniń Investıtsııalyq saıasat basqarmasy sarapshysynyń m. a., sarapshysy.

2012-2013 jyldary — QR Ekonomıkalyq damý jáne saýda mınıstrliginiń Kásipkerlikti qarjylyq qoldaý basqarmasynyń basshysy.

2013 jyly — Ekonomıka jáne bıýdjettik josparlaý mınıstrliginiń Memleket mindettemelerin basqarý jáne qarjy sektoryn damytý saıasaty departamenti memleket mindettemelerin basqarý saıasaty basqarmasynyń basshysy.

2013-2016 jyldary — Qazaqstan Respýblıkasy Ekonomıka jáne bıýdjettik josparlaý mınıstrliginiń Ekonomıka salalaryn damytý departamenti dırektorynyń orynbasary.

2016-2019 jyldary — QR Ulttyq ekonomıka mınıstrligi Ekonomıka salalaryn damytý departamentiniń dırektory.

2020 jylǵy jeltoqsannan 2022 jylǵy qańtarǵa deıin QR saýda jáne ıntegratsııa vıtse-mınıstri qyzmetin atqardy.