Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Erjúrek aqtóbelik polıtseıdiń otbasyna tósbelgi tabys etildi

2020 jyldyń 15 tamyz 2020 14:35

AQTÓBE. QazAqparat - Aqtóbe qalalyq polıtsııa basqarmasy jol-patrýldik polıtsııa batalonynyń qaza tapqan polıtsııa qyzmetkeri Talǵat Beketovtiń ata-anasyna arnaıy medal tabys etildi, dep habarlaıdy QazAqparat tilshisi.

Talǵat Beketovtiń otbasyna oblystyq PD bastyǵynyń birinshi orynbasary Qanat Álıev jáne patrýldik polıtsııa batalonynyń basshy quramy bardy. Quqyq buzýshyny ustaý kezinde kórsetken kásibı is-áreketteri úshin polıtseı qaıtys bolǵannan keıin ata-anasyna «Quqyq tártibiniń qaýipsizdigin qamtamasyz etýge qosqan úlesi úshin» tósbelgisi tabys etildi.
Derekterge súıensek, 2016 jyl sáýir aıynda aǵa polıtsııa serjanty Talǵat Beketov seriktesimen birge «Mazda-323» avtokóligin toqtatty. Qujattardy tekserý barysynda ol júrgizýshi men jolaýshynyń qolynan syra bótelkesin baıqady. Keıin anyqtalǵandaı, ekeýi de mas bolǵan. Júrgizýshi polıtsııa qyzmetkeriniń eskertýine qulaq aspaı, qujattaryn kórsetpegen. Sodan keıin T. Beketovti kóligimen qaǵyp ketken. Avtokólikti toqtatý maqsatynda Talǵat tabeldik qarýdy qoldanýǵa májbir boldy. Júrgizýshi oǵan da mán bermeı, kóliginiń aldyńǵy bóligine jarmasqan polıtseıdi túsirip ketpek boldy. Jyldamdyqty asyryp, qaýipti manevr jasaǵan.

T. Beketov osy sátti paıdalanyp, kóliktiń búıir terezesi arqyly salonǵa kirýge tyrysty. Jolaýshy syra bótelkesin syndyryp, T. Beketovtyń aıaǵyna birneshe ret soqqy jasady. Soǵan qaramastan quqyq buzýshy ustaldy.
«Polıtsııa aǵa serjanty T.Beketov 2016 jyly maýsym aıynda terrorlyq shabýyldarda batyldyq kórsetti. Erekshe kózge túsken polıtseı orden jáne tósbelgilermen marapattaldy. 2016 jyldyń 16 shildesinde Talǵat Beketov jol apatynan qaza tapty. Onyń artynda áıeli men eki balasy qaldy. Tósbelgi erjúrek, patrıot, otansúıgish azamat tárbıelegen ata-anasyna berildi», - dedi oblystyq PD baspasóz qyzmetiniń jetekshisi Erbolat Sarqulov.


Avtor Altynaı Saǵyndyqova
Basty sózder: Aqtóbe oblysy,
Joǵary qaraı