Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Esep komıteti Prezıdentke úsh jylda jumsalatyn 1,16 trln teńgeni ońtaılandyrýdy usyndy

2021 jyldyń 28 qyrkúıek 2021 18:50

NUR-SULTAN. QazAqparat - Memleket basshysyna 2022-2024 jyldarǵa arnalǵan respýblıkalyq bıýdjettiń jobasyna júrgizilgen aldyn ala baǵalaýdyń negizgi nátıjeleri jóninde baıandaldy, dep habarlaıdy Aqordanyń baspasóz qyzmeti.

Natalıa Godýnovanyń málimetine sáıkes 9 basym baǵyt boıynsha úsh jylda jumsalatyn 3,2 trıllıon, onyń ishinde 2022 jylǵa josparlanǵan 1,2 trıllıon teńge kólemindegi qarjyǵa baǵalaý júrgizildi.

Onyń qorytyndysy boıynsha Esep komıteti jumsalatyn 1,16 trıllıon teńgeni, onyń ishinde 2022 jylǵa josparlanǵan 306,3 mıllıard teńgeni ońtaılandyrýdy usyndy.

Bıýdjetti josparlaý kezinde jiberilgen birqatar kemshilik aıtyldy. Tıisti organdarǵa olardy joıý jóninde naqty usynystar berildi.

Sonymen qatar Esep komıtetiniń tóraǵasy jekelegen aýdıtorlyq is-sharalardyń aldyn ala qorytyndylary týraly aıtty.

Kezdesý qorytyndysy boıynsha Qasym-Jomart Toqaev memlekettik aýdıt jáne qarjylyq baqylaý organdarynyń qyzmetin jetildirý jóninde birqatar naqty tapsyrma berdi.


Joǵary qaraı