Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eshbir dáriger medbıkesiz jumys isteı almaıdy - Áleýmettik saqtandyrý qory ókili

2022 jyldyń 12 mamyr 2022 22:47

ÓSKEMEN. QazAqparat – Shyǵys Qazaqstan oblysynda 12 mamyr – halyqaralyq medbıkeler kúni atap ótildi, dep habarlaıdy QazAqparat tilshisi.

Búginde óńirdegi medıtsınalyq mekemelerde 12 myńǵa jýyq medbıke bar. Olar ár naýqastyń saýyǵyp shyǵýy úshin ter tógýde.

«Birde-bir aýrýhana men eshbir dáriger medbıkesiz jumys isteı almaıdy. Olardyń jaýapkershiligi mol, júgi aýyr. Búginde medbıkelerdiń róli artqany sózsiz. Dárigerlerdiń teńdeı seriktesine aınaldy desek te artyq emes», - dedi «Áleýmettik saqtandyrý qory» ShQOF dırektory Ǵalymjan Ábilov.

Sondaı-aq medbıkelerdi arnaıy quttyqtaǵan oblystyq Densaýlyq saqtaý basqarmasynyń basshysy Gýlmıra Saǵıdýllına turǵyndarǵa medıtsınalyq kómek kórsetýdiń tıimdiligi kóp jaǵdaıda medbıke jumysyna tikeleı baılanysty ekendigin jetkizdi.

«Qalada jáne alys shalǵaıdaǵy aýyldarda eńbek etip jatqan medbıkeler medıtsına salasynyń asa mańyzdy tetigi. Ýaqyt talabyna sáıkes orta medpersonaldyń emdeý protsesine qosar úlesi artqan. Dárigerdiń naýqasqa taǵaıyndaǵan emin júrgizý osy mamanǵa júkteledi. Alǵashqy medıtsınalyq kómekti de medbıkeler kórsetedi. Eki jyl kóleminde aýyr indetpen kúresýde medbıkelerdiń róli asa úlken boldy. Artylǵan júkti abyroımen kóterip kele jatqan óńirimizdiń atalmysh sala mamandaryn búgingi merekemen shyn júrekten quttyqtaımyz», - dedi ol.

Merekege oraı oblysta jemisti eńbek etip júrgen medbıkelerge Alǵys hattar tabystaldy.












Joǵary qaraı