Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýrazııalyq áıelder forýmy: Qazaqstandyq delegatsııa Eýrazııalyq genderlik aǵartý ortalyǵyn qurýdy usyndy

2021 jyldyń 14 qazan 2021 19:54

NUR-SULTAN. QazAqparat - Sankt-Peterbýrgte III Eýrazııalyq áıelder forýmy jumysyn bastady. 110 elden kelgen delegattar qatysatyn aýqymdy is-shara tórt jylda bir ret ótkiziledi, dep habarlaıdy Áıelder isteri jáne otbasylyq-demografııalyq saıasat jónindegi ulttyq komıssııanyń baspasóz qyzmeti.

Dıalog alańdarynda áıelderdiń saıasat pen bıznestegi kóshbasshylyǵy, jańa tehnologııalar men ınnovatsııalardy damytý, ekologııa, densaýlyq saqtaý, mádenıet jáne sport, eriktiler qozǵalysy jáne basqa da salalardaǵy máseleleri talqylanady.

Forýmnyń mańyzdy is – sharalarynyń ishinde - «Áıelder jıyrmasynyń» kóshpeli otyrysy, ónerkásiptik damý boıynsha BUU sessııasy, Dúnıejúzilik bank, BRIKS elderiniń Іsker áıelder alıansy bar. Forým jumysyna qazaqstandyq delegatsııa qatysýda.

Forýmnyń ashylýy - plenarlyq otyrysynda Reseı Federatsııasynyń Prezıdenti Vladımır Pýtınniń qatysýymen Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lazzat Ramazanova sóz sóıledi. Ol halyqaralyq is-sharaǵa qatysýshylardy áıelderdiń ómir súrý sapasyn arttyrýǵa jáne quqyqtary men múmkindikterin keńeıtýge baǵyttalǵan elimizde júrgizilip jatqan reformalarmen tanystyrdy.

«Búginde álem elderi jahandyq jáne óńirlik syn-tegeýrinderden týyndaǵan jalpy problemalar men kedergilerge tap bolýda. Olardy eńserýge Eýrazııalyq genderlik aǵartý ortalyǵyn qurý yqpal etetin bolady, ol úshin biz áıelderdiń quqyqtary men múmkindikterin keńeıtý salasynda ozyq tájirıbemen almasý úshin Almatyda qurylatyn Ortalyq Azııa óńirlik bilim ortalyǵynyń alańyn usynýǵa daıynbyz. Ortalyqtyń negizinde biz elaralyq genderlik zertteýler ınstıtýtyn qurýdy usynamyz. Onyń mıssııasy jańa ekonomıkalyq, áleýmettik, ekologııalyq syn-tegeýrinder men táýekelderdiń genderlik damý deńgeıine áserin barynsha azaıtý boıynsha ulttyq úkimetterge arnalǵan usynymdardy boljaý, baǵalaý jáne ázirleý bolyp tabylady», - dep usyndy Lazzat Ramazanova.




Aýǵanstandaǵy jaǵdaıǵa alańdaýshylyqty eskere otyryp, beıbitshilik pen qaýipsizdikti qamtamasyz etýde áıelderdiń kúsh-jigerin biriktirý usynyldy.

Forým aıasynda BUU-áıelder uıymdastyrǵan «Áıelder kásipkerligi aqyldy ekonomıkanyń negizi retinde: turaqty jáne teń sheshim» paneldik sessııasynda sóz sóılegen Lazzat Ramazanova áıelderdiń memleketterdiń ekonomıkalyq ósýindegi basty rólin atap ótti.

«Pandemııadan týyndaǵan jahandyq daǵdarysqa qaramastan, memleket qabyldaǵan keshendi sharalardyń arqasynda qazaqstandyq áıelderdiń ekonomıkalyq belsendiliginiń ósýi baıqalady. Elimizdiń árbir óńirinde áıelder kásipkerligin qoldaý jónindegi resýrstyq ortalyqtar qurylýda. Memlekettik baǵdarlamalar arqyly áıelderdiń jumyspen qamtylýyna kómek kórsetiledi», - dep atap ótti Lazzat Ramazanova.

Parlament Senatynyń depýtaty, Ulttyq komıssııa tóraǵasynyń orynbasary Lázzat Súleımen Memleket basshysy bastamashylyq etken parlamenttik reformalar, «Beıbitshilik pen senim dıplomatııasyn damytýdaǵy áıelder mıssııasy» parlamentaralyq dıalogynda jergilikti ókildi organdardaǵy áıelderdiń ókildigi týraly sóz sóıledi.

Forým barysynda BUU-Áıelder Eýropa jáne Ortalyq Azııa boıynsha Óńirlik keńsesiniń basshysy A.El-ıAsırmen ekijaqty kezdesý ótkizilip, onda áıelderdiń quqyqtary men múmkindikterin keńeıtý jónindegi is-qımyl josparyn ázirleý jáne iske asyrýdaǵy yntymaqtastyqtyń strategııalyq máseleleri talqylandy.


Joǵary qaraı