Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eýrazııalyq bank jeńildetilgen avtonesıe baǵdarlamasyna ótinim qabyldaýdy toqtatty

2022 jyldyń 23 mamyr 2022 14:00

NUR-SULTAN. QazAqparat – Eýrazııalyq bank jeńildetilgen avtonesıe baǵdarlamasy boıynsha ótinim qabyldaýdy ýaqytsha toqtatty, dep habarlaıdy QazAqparat tilshisi.

«Eýrazııalyq bankke búginde 15 mlrd teńge bólingen bolatyn. Sol qarjy qazirgi ýaqytta ıgerildi. Sondyqtan ótinimderdi ýaqytsha qabyldamaımyz. Biraq, kelesi aıda ekinshi transh bólingen kezde qaıtadan qabyldaýdy bastaımyz. Bizdiń bankke jalpy 35 mlrd teńge qarajat bólinedi. Onyń 15 mlrd teńgesi osy apta ishinde klıentterge nesıe retinde beriledi. ıAǵnı, 15 mlrd teńgeniń ótinimi maquldanyp otyr. Qazirgi ýaqytta ótinimderdi qabyldamaımyz», - dedi Eýrazııalyq bank dırektorynyń orynbasary Berik Sabyrjanov Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Onyń atap ótýinshe, maýsym aıynyń basynan bastap Eýrazııalyq bank jeńildetilgen avtonesıe baǵdarlamasyna ótinimder qabyldaı bastaıdy.

Aıta keteıik, atalǵan baǵdarlama bastalǵannan beri 14 507 ótinim qabyldandy. Onyń ishinde 4 834 jeke tulǵaǵa 35,7 mlrd teńge maquldandy. 34 adam kóligin alyp úlgerdi.

Qazaqstandyqtar arasynda Chevrolet, Hyundai, Kia, Jac, «Lada» kólikteri tanymaldyqqa ıe.


Avtor Marlan Jıembaı
Basty sózder: Nur-Sultan, Avtonesıe, Baǵa,
Joǵary qaraı