Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýroodaq Qazaqstannyń «QazVac» vaktsınasyn shyǵarýdaǵy jetistigin joǵary baǵalady

2021 jyldyń 23 maýsym 2021 15:48

BRıÝSSELЬ. QazAqparat – Qazaqstan men Eýropalyq odaq arasyndaǵy yntymaqtastyq máselelerin talqylaý úshin QR Prezıdentiniń Halyqaralyq yntymaqtastyq boıynsha Arnaıy ókili Erjan Qazyhan Brıýsselge jumys saparmen bardy, dep habarlaıdy QazAqparat.

Onyń aıasynda E. Qazyhan Eýropalyq keńestiń, Eýropalyq komıssııanyń, Eýropalyq parlamenttiń, Eýropalyq syrtqy is-qımyl qyzmetiniń joǵary ókilderimen, sondaı-aq Eýropalyq ınvestıtsııalyq bank basshylyǵymen kezdesýler ótkizdi.

E. Qazyhan Eýropalyq keńestiń basshysy Sharl Mıshelge Prezıdent Qasym-Jomart Toqaevtyń Arnaıy joldaýyn jetkizdi. Taraptar Qazaqstan men Eýroodaq arasyndaǵy Keńeıtilgen áriptestik pen yntymaqtastyq týraly kelisimdi júzege asyrýdyń aǵymdaǵy jaı-kúıi men aldaǵy perspektıvalaryn talqylady. Arnaıy ókil Eýroodaqpen tıimdi jáne jan-jaqty yntymaqtastyqty damytý Qazaqstannyń syrtqy saıasatynyń strategııalyq basymdyǵy bolyp tabylatynyn atap ótti. Joǵary jáne asa joǵary deńgeıdegi saıası dıalogty qoldaý týraly kelisimge qol jetkizildi. Osy turǵyda taraptar Memleket basshysynyń Brıýsselge saparyn uıymdastyrý máselesin talqylady.

«Eýropalyq seriktester Qazaqstannyń koronavırýsqa qarsy otandyq «QazVac» vaktsınasyn shyǵarý jáne qoldaný salasyndaǵy jetistigin joǵary baǵalady. Eýropalyq dárilik preparattar jónindegi agenttik maquldaǵan jaǵdaıda, qazaqstandyq vaktsına pandemııamen kúreste sheteldik seriktesterdi qoldaýdyń Eýropalyq tetigi, «Team Europe» jelisi boıynsha Qazaqstan men Eýroodaq arasyndaǵy yntymaqtastyqtyń taǵy bir mańyzdy negizine aınalýy múmkin», - delingen QR Syrtqy ister mınıstrliginiń málimetinde.





Kezdesýler barysynda taraptar halyqaralyq kún tártibindegi ózekti máselelerdi, sonyń ishinde jahandyq jáne óńirlik qaýipsizdik, Aýǵanstandaǵy jaǵdaıdy turaqtandyrý máseleleri boıynsha pikir almasty.

Qazaqstan men Eýroodaqtyń saýda, ınvestıtsııalar, jasyl ekonomıka jáne energetıka máseleleri boıynsha yntymaqtastyǵy E. Qazyhannyń Eýrokomıssııa basshylyǵymen kezdesýiniń negizgi taqyryby boldy. Taraptar Eýropalyq shıkizat alıansy (European Raw Material Alliance) jáne Eýropalyq batareıa alıansy (European Battery Alliance) sheńberindegi áriptestik máselelerin talqylady.

E. Qazyhan Eýropalyq parlament depýtattarynyń tobymen, sonyń ishinde Qazaqstan-Eýroodaq dostyq tobynyń múshelerimen jáne Ortalyq Azııa men Monǵolııa boıynsha Eýroparlament delegatsııasymen kezdesýler ótkizdi.

Eýrodepýtattar Prezıdent Qasym-Jomart Toqaev bastamashy bolǵan saıası reformalardyń áleýetin atap ótti. Parlamentshiler Memleket basshysynyń Adam quqyqtary salasyndaǵy birinshi kezektegi sharalar jospary týraly jarlyǵy jónindegi málimetti jyly qabyldady.





Arnaıy ókil Qazaqstan keń aýqymdy máseleler tizbegi boıynsha, onyń ishinde demokratııalandyrý, zań ústemdigi men adam quqyqtaryn qamtamasyz etý, azamattyq ınstıtýttardy damytý salasynda ashyq jáne syndarly dıalogqa ázir ekenin atap ótti.

E. Qazyhan sondaı-aq Eýropalyq ınvestıtsııalyq bank (EIB) basshylyǵymen kelissózder júrgizdi. Taraptar daǵdarystan keıingi kezeńde Qazaqstan men EIB arasyndaǵy ekonomıkalyq yntymaqtastyqtyń perspektıvalaryn talqylady. Shaǵyn jáne orta bıznes salasyndaǵy yntymaqtastyq, aýyl sharýashylyǵy, tsıfrlyq tehnologııalar, kólik jáne «jasyl» jobalardy damytý, sondaı-aq Qazaqstan ekonomıkasyn dekarbonızatsııalaý jáne 2060 jylǵa qaraı kómirtegi beıtaraptyǵyna qol jetkizý jónindegi josparlarǵa erekshe kóńil bólindi.


Joǵary qaraı