Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýroodaq Sırııadaǵy jaǵdaıdy retteý maqsatynda konferentsııa ótkizedi

2021 jyldyń 9 aqpan 2021 07:45

BRıÝSSELЬ. QazAqparat – 2021 jylǵy 29-30 naýryzda Eýropalyq Odaq «Sırııa men aımaqtyń bolashaǵyn qoldaý» taqyrybynda besinshi Brıýssel konferentsııasyn ótkizedi. Іs-shara vırtýaldy formatta ótedi, dep habarlaıdy «QazAqparat» HAA menshikti tilshisi.

«Qaqtyǵys áli de jalǵasýda, Sırııa men aımaqtaǵy jaǵdaı óte qıyn, al COVID-19 pandemııasynyń saldary jáne ótken jyly búkil aımaqtaǵy ekonomıkalyq jaǵdaıdyń nasharlaýy eldegi qıyn gýmanıtarlyq jaǵdaıdy odan ári kúrdelendirip jiberdi», – delingen Eýropalyq komıssııanyń habarlamasynda.

Brıýssel konferentsııalary kóptegen jyldar boıy BUU Qaýipsizdik Keńesiniń 2254 rezolıýtsııasyna sáıkes, kelissózder arqyly BUU-nyń halyqaralyq qoǵamdastyǵy men BUU-nyń Sırııa qaqtyǵysyn retteý jónindegi arnaıy ýákiliniń kúsh-jigerin qoldaıtynyn kórsetti.

Eýropalyq bastamalar sırııalyqtarǵa qarjylyq qoldaý kórsetedi jáne azamattyq qoǵammen dıalogty tereńdetýge yqpal etedi.

Eýrokomıssııa Sırııadaǵy saıası sheshimge qol jetkizý úshin jáne barlyq sırııalyqtarǵa jarqyn bolashaqqa jaǵdaı jasaýǵa kómektesý maqsatynda Eýroodaq Sırııa halqyn qoldaıtynyn, qolda bar quraldardy jumyldyrýdy jalǵastyrady dedi.

Avtory: Arnur Rahymbekov


Basty sózder: Halyqaralyq uıymdar, Sırııa, Eýropa,
Joǵary qaraı