Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýroodaq turǵyndarynyń 57 paıyzy COVID-19-ǵa qarsy vaktsına aldy

2021 jyldyń 28 shilde 2021 16:48

BRıÝSSELЬ. QazAqparat – Koronavırýstyń «Delta» nusqasy asa qaýipti. Múmkindigi bar barlyq azamattardy vaktsına alýǵa shaqyramyz, dep málimdedi Eýropalyq komıssııanyń basshysy Ýrsýla fon der Lıaıen, dep habarlaıdy QazAqparattyń menshikti tilshisi.

Bul týraly Eýroodaq COVID-19-ǵa qarsy vaktsınalaý naýqanynyń kezekti kezeńin aıaqtaǵannan keıin aıtyldy.

Atap aıtqanda, Ý. Lıaıenniń aıtýynsha, eresek eýropalyqtardyń 57%-y koronavırýsqa qarsy vaktsınanyń eki komponentin alǵan. Vaktsına olardy tolyq qorǵaıdy.

«EO ýádesin oryndady. Bizdiń maqsatymyz shilde aıynda Eýropa Odaǵy azamattarynyń 70%-yn kem degende vaktsınanyń bir komponentimen qorǵaý bolatyn. Búgin biz degenimizge jettik. Bul kórsetkish Eýropany álemde vaktsına alýda aldyńǵy qatarǵa shyǵardy», - dedi Ý. Lıaıen.

Eýroodaq basshysynyń aıtýynsha, munymen toqtap qalýǵa bolmaıdy.

«Ózimizdiń densaýlyǵymyz ben ózgelerdiń qaýipsizdigi úshin. EO halyqqa jáne basqa elderge vaktsınanyń jetkilikti kólemin jetkizip otyrýyn jalǵastyrady», dedi ol.


Avtory Arnur Raqymbekov


Basty sózder: Álem, Álemdegi koronavırýs, Eýropa,
Joǵary qaraı