Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Eýropa aýrýhanalarynda dezınfektsııa jasaıtyn robottar paıda bolady

2020 jyldyń 23 qarasha 2020 21:31

BRıÝSSELЬ. QazAqparat – Koronavırýstyń taralýyna qarsy kúres jáne Eýropalyq odaqqa múshe memleketterge qajetti jabdyqtardy berý sharalary aıasynda Eýropalyq komıssııa dezınfektsııa jasaıtyn 200 robotty satyp alýdy bastady, dep habarlaıdy «QazAqparat» HAA menshikti tilshisi.


Jabdyqtar búkil Eýropa boıynsha aýrýhanalarǵa taratylady. Buǵan deıin Odaqqa múshe kóptegen memlekettiń medıtsınalyq mekemeleri COVID-19 juqtyrǵan patsıentterdiń standartty palatalaryn ýltrakúlgin sáýlemen nebári 15 mınýt ishinde zararsyzdandyratyn robottarǵa qajettiligin bildirdi. Osylaısha, olar qaýipti vırýstyń taralýyn boldyrmaýǵa jáne azaıtýǵa kómektesedi. Dezınfektsııalaý protsesin operator ýltrakúlgin-sáýleniń áserin boldyrmaý úshin bólmeden tys jerde baqylaı alady.

«Biz óz azamattarymyzdy qorǵaý úshin áreket etemiz. Endi biz dezınfektsııa jasaıtyn robottardy aýrýhanalarǵa ornalastyramyz. Osylaısha azamattarymyz osy tehnologııany qoldana alady. Aldaǵy aptada robottar EO aýrýhanalaryna jetkiziledi dep kútilýde», - dep habarlady EO ishki naryq jónindegi komıssary Terrı Breton.

Jalpy, pandemııamen kúreste EO-nyń jedel medıtsınalyq qoldaý quraldary 12 mıllıon eýroǵa deıingi arnaıy bıýdjetti quraıdy.

Avtory: Arnur Rahymbekov

Basty sózder: Medıtsına, Koronavırýs, Eýropa, Álem,
Joǵary qaraı