Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýropa Keńesi Parlamenttik Assambleıasy Qazaqstandaǵy demokratııalyq reformalarǵa qoldaý bildirdi

2021 jyldyń 4 qazan 2021 10:46

STRASBÝRG. QazAqparat - 30 qyrkúıekte Eýropa Keńesi Parlamenttik Assambleıasynyń (EKPA) kúzgi sessııasynyń sońǵy kúni «Qazaqstandaǵy saıası reforma onyń azamattarynyń qajettilikteri men maqsat-nıetine jaýap beredi» degen jazbasha deklaratsııa qabyldandy, dep habarlaıdy QazAqparat QR Parlamenti Senatynyń baspasóz qyzmetine silteme jasap.

Lıtva depýtaty, EKPA vıtse-prezıdenti Laıma Andrıkıene bastaǵan, Assambleıa bıýrosynyń músheleri men negizgi saıası toptardyń jetekshileri, Germanııa, Ulybrıtanııa, Nıderlandy, Ispanııa, Italııa, Lıtva, Polsha, Fınlıandııa sııaqty elderdiń depýtattary quramynda engen 23 parlamentshiden turatyn top Deklaratsııanyń avtory bolyp tabylady.

Azamattyq jáne saıası quqyqtar týraly halyqaralyq paktige ólim jazasyn joıýdy kózdeıtin Ekinshi Fakýltatıvtik hattamany ratıfıkatsııalaý týraly EKPA-nyń resmı saıtynda mátini jarııalanǵan qujatta eýropalyq parlamentshiler elimiz basshylyǵynyń sheshimine qoldaý bildirip otyr.

Bul sheshim EKPA qundylyqtary men qaǵıdalaryna sáıkes keletini atap ótildi.

«Biz Qazaqstan Prezıdenti Qasym-Jomart Toqaevtyń BUU Bas Assambleıasynyń 75-shi sessııasynyń jalpy jaryssózinde sóılegen sózin quptaımyz, ol onda ómir súrýdiń negizgi quqyqtaryn, adamnyń qadir-qasıetin júzege asyrý jónindegi memlekettiń berik ustanymyn atap ótti», - delingen deklaratsııada.

2019 jylǵy 4 sáýirde Eýropa Keńesiniń Mınıstrler komıteti maquldaǵan «Eýropa Keńesiniń Qazaqstanmen tatý kórshilik yntymaqtastyq jónindegi basymdyqtary» tórt jyldyq baǵdarlamasy aıasynda Qazaqstan Eýropa Keńesiniń mańyzdy seriktesi bolyp tabylatyny atap ótildi.

EKPA-da qabyldanǵan deklaratsııa QR Parlamenti Senaty delegatsııasynyń Strasbýrgtegi kezdesýleri barysynda Qazaqstandaǵy demokratııalyq reformalar týraly eýropalyq depýtattar aıtqan joǵary baǵany rastady.


Joǵary qaraı