Aýa raıy
Astana 11 °S
Almaty 25 °S
valıýta baǵamy
USD 412.55
EUR 468.66
RUB 5.79
CNY 58.80

Eýropa lıgasy: «Sevılıa» men «Baıer» shırek fınalǵa shyqty

2020 jyldyń 7 tamyz 2020 01:19

NUR-SULTAN. QazAqparat - UEFA Eýropa lıgasy shırek fınalyna joldama alǵan taǵy eki komanda anyqtaldy, dep habarlaıdy QazAqparat tilshisi.

Esterińizge sala ketelik, Eýropa lıgasy 5 tamyzdan bastap qaıta jalǵasty. Aıta ketsek, koronavırýs jaǵdaıyna baılanysty dúbirli doda naýryz aıynda belgisiz merzimge keıinge shegerilgen bolatyn.

«Shahter Donetsk» (Ýkraına), «Kopengagen» (Danııa) https://www.inform.kz/qz/futboldan-europa-ligasy-shirek-finalga-2-komanda-shykty_a3680345, «Manchester ıÝnaıted» (Anglııa) jáne «Inter» (Italııa) komandalary 5 tamyzda shırek fınalǵa joldama aldy. Búgin olardyń qataryn «Sevılıa» (Ispanııa) men «Baıer» (Germanııa) komandalry tolyqtyrdy.

Aıta keterligi, Ispanııanyń «Sevılıa» jáne Italııanyń «Roma» komandalary arasyndaǵy joldama taǵdyry nebári bir kezdesýde anyqtaldy. Ol belgili sebepke baılanysty naýryz aıynda ótkizilgen joq. Búgingi oıyn beıtarap alańda, Germanııanyń Dýısbýrg qalasynda boldy. Kezdesýde «Sevılıa» sapynan Serhıo Regılon 21, ıÝssef En-Nesırı 44-mınýtta gol soqty. Osylaısha «Sevılıa» qarsylasyn 2:0 esebimen jeńdi.

Al Germanııanyń «Baıer» jáne Shotlandııanyń «Glazgo Reındjers» klýbtary jekpe-jeginiń jeńimpazy alǵashqy kezdesý anyqtaldy desek te bolady. Glazgo qalasynda ótken oıynda nemis fýtbolshylary alań ıelerin 3:1 esebimen tize búktirip ketken edi. Soǵan qaramastan búgingi kezdesýde de «Baıer» gol soǵý múmkindigin izdedi. Olardyń qatarynan Mýssa Dıabı 51-mınýtta qarsylastar qaqpasyn dál kózdedi. Nátıjesinde «Baıer» 1:0 esebimen basym tústi.

Dál qazir taǵy eki oıyn ótkizilýde. Bul ýaqytta «Výlvergempton Ýonderers» (Anglııa) jáne «Olımpıakos Pıreı» (Grekııa), «Bazel» (Shveıtsarııa) jáne «Aıntraht Frankfýrt» (Germanııa) komandalary sheberlik baıqasady.

Jarystyń shırek jáne jartylaı fınal oıyndary Germanııanyń Gelzenkırhen, Dýısbýrg, Dıýsseldorf, Keln qalalarynda ótedi. Al fınal 21 tamyzda Keln qalasyndaǵy «Reın Energı» stadıonynda bolady.



Avtor Ádiljan Úmbet
Basty sózder: Sport,
Joǵary qaraı