Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýropalyq komıssııa COVID-19 vaktsınasyn alǵandarǵa Eýroodaqqa kirýge ruqsat berýdi usyndy

2021 jyldyń 3 mamyr 2021 17:14

BRıÝSSELЬ. QazAqparat – Búgin Eýropalyq komıssııa Eýroodaqqa múshe elderge EO-ǵa mańyzdy emes saparlarǵa shekteýlerdi jeńildetýdi usyndy, dep habarlaıdy QazAqparat.

Bul usynysty Eýropalyq komıssııa vaktsınatsııa jáne álemdegi epıdemıologııalyq jaǵdaıdy jaqsartý salasyndaǵy jetistikter negizinde ázirledi.

Eýropalyq komıssııa qolaıly epıdemıologııalyq jaǵdaıy bar elderdiń adamdaryna ǵana emes, sonymen qatar Eýropalyq dári-dármek agenttigi ruqsat etken vaktsınany alǵan barlyq adamdarǵa EO-ǵa mańyzdy emes sebeptermen de kirýge ruqsat berýdi usynady.

Bolashaqta vaktsınalardyń tizimin Dúnıejúzilik densaýlyq saqtaý uıymy (DDSU) tótenshe jaǵdaılarda qoldanýǵa ruqsat bergen vaktsınalar esebinen keńeıtýge bolady.

Eýropalyq komıssııa barlyq saparlarǵa ruqsat etiletin elderdiń tizimin anyqtaýda qoldanylatyn COVID-19 aýrýynyń jańa jaǵdaılarynyń shekti mánin arttyrýdy usynady.

Sonymen birge «koronavırýs mýtatsııasynyń paıda bolýy qyraǵylyqty qajet etedi», dedi Eýropalyq komıssııa.

Saqtyq sharasy retinde «shuǵyl tejeý» tetigi ázirlendi, ol EO deńgeıinde úılestiriledi jáne mundaı nusqalardyń EO-ǵa kelý qaýpin shekteıdi.

«Shuǵyl tejeý» tetigi múshe memleketterge tıisti sanıtarııalyq sharalardy qabyldaýǵa qajetti ýaqytqa KVI jaǵdaıy kúrdeli elderden barlyq saparlardy jedel jáne ýaqytsha qatań mınımýmǵa deıin shekteýge múmkindik beredi.

Qazaqstanda qoldanylatyn «Spýtnık-5» vaktsınasyn alǵan adamdarǵa EO-ǵa kirýge ruqsat berý múmkindigine pikir bildire otyryp, Eýropalyq komıssııa bul másele eýropalyq dárilik zattar agenttigine baılanysty ekenin aıtty.


Joǵary qaraı