Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

EUÝ túlekteriniń 80 paıyzy jumysqa ornalasady – Erlan Sydyqov

2020 jyldyń 8 qazan 2020 18:25

NUR-SULTAN. QazAqparat – L.Gýmılev atyndaǵy Eýrazııa ulttyq ýnıversıteti túlekteriniń 80 paıyzy jumysqa ornalasady. Bul týraly atalǵan ýnıversıtettiń rektory Erlan Sydyqov aıtty, dep habarlaıdy QazAqparat tilshisi.

«Jalpy kez kelgen qoǵamnyń, memlekettiń basty qundylyǵy – ol adamı kapıtal. Adamı kapıtaldy qalyptastyratyn jer oqý oryndary sanalady. Sondyqtan el Prezıdenti Qasym-Jomart Toqaev byltyrdan bastap osy máselege aıryqsha kóńil bólip otyr. Byltyr aldaǵy 4 jyldyń ishinde mektep muǵalimderiniń jalaqysy 2 ese kóterilsin degen talap qoıdy. Mine ol qazir iske asyryla bastady. Joǵary oqý oryndarynyń oqytýshylary jalaqysyn kóterý tapsyrmasy da qazir júzege asyrylýda»,- dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, elimizdiń joǵary oqý oryndarynda mamandar jumys berýshilerdiń talabyna saı ázirlenedi. Demek, ýnıversıtet bitirgen túlektiń jumysqa ornalasý kórsetkishi arqyly JOO-daǵy bilimdi baǵalaýǵa bolady.

«Máselen, Eýrazııa ulttyq ýnıversıteti túlekteriniń 80 paıyzǵa jýyǵy jumysqa ornalasady. Oǵan ýnıversıtettiń ózindik ımıdjimen qatar túlekterge qoıylatyn talaby da septigin tıgizip otyr. Buǵan qosa, ýnıversıtet álemdik reıtıngterge joǵary orynda kele jatyr», - Erlan Sydyqov.

Al Qazaqstan ýnıversıtetteri qaýymdastyǵynyń prezıdenti Rahman Alshanov stýdentterge durys bilim bere almaıtyn joǵary oqý oryndaryn lıtsenzııadan aıyrý durys ekendigin aıtady.

«Elimizdegi keıbir ýnıversıtetterdiń 45-50 lıtsenzııasy bar. Al sol lıtsenzııa boıynsha bilim alatyn stýdentterdiń sany keıbirinde 2-3 adam ǵana. Mundaı jaǵdaıda qandaı bilim bolmaq? Sondyqtan qazirgi ýaqytta birqatar ýnıversıettiń lıtsenzııasy qaıtarylyp otyr», - dedi ol.


Avtor Marlan Jıembaı
Basty sózder: JOO-lar, Bilim, Nur-Sultan,
Joǵary qaraı