Aýa raıy
Astana 11 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Evgenıı Komarovskıı: Jabyq nysanda mindetti túrde maska taǵý kerek

2020 jyldyń 6 tamyz 2020 15:02

NUR-SULTAN. QazAqparat - Tanymal pedıatr dáriger Evgenıı Komarovskııdiń aıtýynsha, áleýmettik ara qashyqtyqty ustaý múmkin emes jerde mindetti túrde maska taǵý kerek. Ol koronavırýs indeti kezinde mektepte sabaq oqýǵa qatysty pikir bildirdi, dep habarlaıdy QazAqparat tilshisi.

«Balalar, árıne, mektepte oqýy kerek. Ár synypta termometr men gıgrometr bolýy tıis. Aýa temperatýrasy 18-20 gradýs, al ylǵaldylyq mólsheri 60 bolýy kerek. Bul Qazaqstan Respýblıkasynyń zańynda bar. Sabaq ýaqyty 45 mınýt emes, 30 mınýt bolýy qajet. Synypty jıi jeldetip turý, múmkindik bolsa, eki aýysymmen oqý kerek. Dene shynyqtyrý sabaǵy kúnde jáne ashyq aspan astynda bolýy tıis», - deıdi Komarovskıı.

Dárigerdiń aıtýynsha, bir jyldan keıin áldeqaıda jeńil bolady jáne koronavırýs dárigerler úshin qalaı emdeý kerek ekeni belgili aýrý túrine aınalady.

«Biz túbi osyǵan kelemiz. Jaqsy kóretin adamdaryńyzdy baǵalańyzdar. Qazaqstan turǵyndaryna bul synaqtan eńseni tik ustap ótýdi tileımin jáne ózderińizge «Men aýyryp qalmas úshin nemese aýrý jeńil ótýi úshin ne istedim?« degen suraq qoıyńyzdar. Sonda bári túsinikti bolady. Úıdiń shańyn súrtip, jeldetip, taza aýada kóp bolyńyzdar», - deıdi ol.

Ol qaı memleket koronavırýspen jaqsy kúresip jatqany týraly aıtý múmkin emes ekenin jetkizdi.

«Bizde koronavırýs týraly biryńǵaı statıstıka joq. Aldymen biryńǵaı statıstıkany shyǵarý kerek. Kóp jaǵdaıda statıstıkaǵa saıasat áser etedi. Keıbir memleket aýyrǵan jaǵdaılardy kórsetedi, keıbiri kórsetpeıdi. Saqtandyrý kompanııalary qalaı tóleıtini qatty yqpal etedi. Bul faktiniń de áseri bar. Statıstıkanyń qorytyndysy koronavırýs jaǵdaıy aıaqtalǵanda ǵana shyǵady. Mysaly, shartty túrde Shvetsııada 600 adam, al Danııada 400 adam kóz jumǵanyn jazamyz. Osyndaı kezde ár memlekettiń ereksheligin eskerýimiz kerek. Mysaly, Jańa Zelandııada jaǵdaı táýir bolǵan, biraq shekarany ashqannan keıin kúrt nasharlap ketti. Bizge koronavırýspen birge ómir súrip úırený kerek», - deıdi dáriger.


Avtor Zarına Qaharman
Basty sózder: Koronavırýs, Medıtsına, Qoǵam,
Joǵary qaraı