Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Feık: Jaqyn arada álemde áleýmettik reıtıng júıesi engiziledi

2021 jyldyń 20 qazan 2021 11:13

NUR-SULTAN. QazAqparat - Telegram arnalaryn paıdalanýshylar US 11,107,588 B2 patenti týraly jazýda. Ol kóp uzamaı búkil álemde áleýmettik reıtıng júıesi engiziletinin jáne tómen ball alǵan adamdardy qaýipti aýrýlardan emdeý múmkin bolmaıtynyn dáleldeıdi.

Sonymen qatar, chat músheleriniń aıtýynsha, adamdarǵa arnaıy baqylaý qurylǵylar beriledi, olar adam jáne onyń aınalasyndaǵylar týraly búkil aqparatty anyqtaıdy. Bul aqparat - jalǵan, dep habarlaıdy QazAqparat stopfake.kz saıtyna silteme jasap.

US 11,107,588 B2 patenti bar jáne ony Jeliden ońaı tabýǵa bolady. Ol «Adamdardyń ómirin qorǵaýdaǵy emdeý, vaktsınatsııalaý, testileý jáne / nemese is-árekettiń basym ádisteri men júıeleri» dep atalady. Bul rette bir-birimen jáne ortaq servermen baılanysatyn jáne adam aýrýlarynyń tarıhy, allergııa, jumys orny, basqa adamdarmen baılanys jıiligi jáne basqa málimetter týraly aqparatty qamtıtyn keıbir portatıvti qurylǵylar týraly aıtylyp otyr. Olardyń negizinde júıe qandaı adamdar qaýipti ınfektsııalarǵa beıim jáne ony juqtyrǵan kezde qaı adamdarda asqyný qaýpi joǵary ekendigi týraly qorytyndy jasaıdy.
Osy málimetterge súıene otyryp, júıe aýrýdyń órshýin jáne olardyń aldyn alý joldaryn usynady. Ol úshin aýrý juqtyrýǵa neǵurlym beıim adamdar testilenip, vaktsınatsııalanady, al aýrý bolǵan jaǵdaıda ilespe dıagnozy bar azamattar asqynýlardyń damýyna jol bermeý úshin birinshi kezekte emdeledi.
Patentte áleýmettik reıtıng júıesi týraly aıtylmaıdy.
Sonymen qatar, patent onda sıpattalǵan ónertabystyń júzege asyrylatynyn jáne jappaı óndiriske jiberiletinin dáleldemeıdi. Jelide birer jyl buryn berilgen birtúrli patentter kóp, biraq olarda sıpattalǵan qurylǵylar qısynsyz, sondyqtan olardy shyǵarý jáne paıdalaný maǵynasyz bolyp tabylady. Mysaly, 1979 jyly ıtterdiń uzyn qulaqtaryna kıgiziletin arnaıy tútikterge patent berilgen.

Avtordyń oıynsha, bul ıt tamaq ishkende, serýendegende qulaqty taza ustaýǵa kómektesedi. 2003 jyly naýryzda ımek tutqalary joq kózildirikter patentteldi. Olar keńsirikti tesip ornatylǵan lınzalar arasyndaǵy kópirsheniń kómegimen ustalyp turady.

Al 2004 jyly Danıel Dıýdek pen Pamela Herd, Mysyrda myńdaǵan jyl buryn perǵaýyndardyń molasyna uqsas pıramıda pishindes qabirdi patenttegen.

Demek, qazaqstandyqtar talqylap jatqan US 11,107,588 B2 patenti, onda sıpattalǵan qurylǵylar paıdalanylady jáne qujatta usynylǵan júıeni jekelegen elderde nemese tutastaı álemde engizedi degenniń belgisi emes. Patentte áleýmettik reıtıng júıesi týraly aıtylmaıdy. ıAǵnı, bolashaqta tek áleýmettik mártebesi joǵary azamattar ǵana emdeledi degen qaýip negizsiz.


Basty sózder: Feık, Qoǵam,
Joǵary qaraı