Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Finiko kompanııasyna qatysty qylmystyq is qozǵaldy

2021 jyldyń 13 shilde 2021 12:14

ALMATY. QazAqparat - Finiko kompanııasyna qatysty qylmystyq is qozǵaldy, dep habarlaıdy QazAqparat tilshisi.

Almaty qalasynyń prokýratýrasy janynda kóleńkeli ekonomıka jáne qarjy pıramıdasyna qarsy kúres boıynsha múddeli memlekettik organdar qatarynan vedomstvoaralyq jumys toby turaqty jumys isteıdi.

«Monıtorıng kezinde azamattardyń aqshalaı qarajatyn aı saıyn engizilgen somanyń 150%-na deıin (eń tómengi salym 500 AQSh dollary) syıaqy berý shartymen tartatyn The Finiko kompanııasy anyqtaldy. Kompanııanyń saıtyna sáıkes, salymshylardyń sany ártúrli elderden (Qazaqstan, Reseı, Qyrǵyzstan, Armenııa, Belarýs, Ózbekstan, Túrkııa jáne t.b.) 165 myńnan asady»,-dep habarlady vedomstvonyń baspasóz qyzmeti.

Almaty qalasy prokýratýrasynyń tapsyrmasy boıynsha Qarjy naryǵyn retteý jáne damytý agenttigi kompanııanyń qyzmetine taldaý júrgizdi jáne qarjy pıramıdasynyń belgileri týraly qorytyndy berdi.

Osyǵan baılanysty, prokýratýra qatysy bar tulǵalardy anyqtaýǵa baǵyttalǵan birqatar is-sharalardy qolǵa alyp, Almaty qalasy ekonomıkalyq tergeý departamentimen birlesip The Finiko kompanııasynyń zańsyz qyzmeti rastaldy.

7 shildede sotqa deıingi tergep-tekserýdiń biryńǵaı tizilimin tirkeý júrgizildi jáne QR QK 217-babynyń 3-bóligi boıynsha sotqa deıingi tergeý bastaldy.

Almaty qalasynyń prokýratýrasy sotqa deıingi tergeý barysyn baqylaýǵa aldy.

Joǵaryda atalǵan kompanııanyń qylmystyq áreketterinen zardap shekken azamattar Almaty qalasynyń ekonomıkalyq tergeý departamentine +7 701 888 82 06 nómiri boıynsha habarlasa alady.


Joǵary qaraı