Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Fınlıandııa Qytaıdan Qazaqstan arqyly júk tasymaldaıtyn jańa baǵytty iske qosty

2022 jyldyń 12 mamyr 2022 09:23

BAKÝ. QazAqparat – Fınlıandııadaǵy eń iri júk operatory Nurminen Logistics Qytaıdan Qazaqstan arqyly júretin konteınerlik baǵytty iske qosty. Bul týraly QazAqparat tilshisi Azernews-ke silteme jasap.

«Nurminen Logistics-tiń alǵashqy tolyq ólshemdi konteınerlik poıyzy 2022 jyldyń 10 mamyrynda Qytaıdyń Chongsın qalasynan ońtústik transkaspıılik jańa baǵyt boıynsha attandy», - delingen kompanııa habarlamasynda.

Jol Qytaıdan bastalyp, Qazaqstan, Ázerbaıjan, Grýzııa jáne Rýmynııa arqyly Ortalyq Eýropaǵa ótedi. Kompanııa qazaqstandyq temirjolshylarmen birlese otyryp, eki aıdyń ishinde jol baǵytyn nólden bastap qurdy.
«Jańa baǵyttaǵy poıyz úlken suranysqa ıe. 25 mamyrda júretin kelesi poıyzǵa sanaýly ǵana oryn qaldy. Apta saıyn júretin reıs maýsym aıyna josparlanyp otyr», - delingen kompanııa habarlamasynda.
Buǵan deıin Nurminen Logistics Transkaspıı halyqaralyq kólik baǵytyn damytý nıeti týraly málimdep, 16 naýryzda Qazaqstan memlekettik temirjolymen kommertsııalyq paıdalaný týraly kelisimge qol qoıdy.
Budan basqa, Hellmann Worldwide Logistics nemis kompanııasynyń Ázerbaıjandaǵy ókildigi óziniń seriktesterimen birlesip Qytaıdan Eýropaǵa Ázerbaıjan arqyly tranzıtpen marshrýttyq poıyzyn iske qosatyny týraly buryn habarlanǵan bolatyn. Marshrýttyq poıyz Qytaıdyń Sýchjoý qalasynan Qazaqstannyń shekarasyna deıin temir jolmen júredi, sodan keıin Aqtaý portynan Baký portyna jóneltiledi.
Búgingi tańda Transkaspıı kólik baǵyty Ońtústik Kavkaz arqyly ótetin mańyzdy transeýrazııalyq dáliz bolyp tabylady. Baǵyt Ońtústik-Shyǵys Azııa men Qytaıda bastalyp, Qazaqstan, Ázerbaıjan, Grýzııa jáne Túrkııa arqyly Eýropaǵa ótedi. Bul jańa Jibek joly baǵyttarynyń biri, «Bir beldeý, bir jol» jobasynyń orta dálizi.


Basty sózder: Eýropa, Qytaı, Ekonomıka, Ázerbaıjan, Eksport,
Joǵary qaraı