Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Frantsııa men Italııa koronavırýstyń táýliktik ósimi jaǵynan antırekordty qaıta jańartty

2020 jyldyń 16 qazan 2020 14:12

PARIJ. QazAqparat – Beısenbi kúni Frantsııa men Italııa koronavırýs ınfektsııasynyń táýlik ishindegi ósimi jaǵynan antırekordty qaıta jańartty. Mysaly, Frantsııada bir táýlikte Covid-19 indetin juqtyrǵan adam sany 30 myńnan asty, dep habarlaıdy QazAqparat BBC News agenttigine silteme jasap.

Beısenbide Frantsııada qaýipti vırýs juqtyrý oqıǵalary sanynyń kúrt óskeni tirkelgen – onda COVID-19 juqtyrýdyń 30 621 oqıǵasy tirkeldi. Salystyrmaly túrde, sársenbi kúni elde indetke shaldyqqandar sany 22 591 adam dep tirkelgen.

Frantsııa prezıdenti Emmanýel Makron elde indet juqtyrýdyń ósip jatqan deńgeıimen kúres júrgizýge baǵyttalǵan sharalar qoldanǵany jóninde atap ótti.

Sársenbi kúni prezıdent Makron eldiń keıbir bólikterinde komendanttyq saǵat engizilgeni týraly málim etken. Parıj qalasy, onyń mańyndaǵy Marsel, Lıon jáne taǵy basqa eldimeken turǵyndary senbi kúngi saǵat 21:00-den tańǵy 06:00-ge deıin tórt apta boıy úılerinen sebepsiz shyǵa almaıdy.

Makronnyń aıtýynsha, osyndaı sharany engizý bir táýlikte COVID-19 juqtyrý jańa oqıǵalarynyń sanyn 3 myń adamǵa deıin qysqartýǵa baǵyttalǵan.

Italııada jańa antırekord tirkelgen – sońǵy táýlikte onla koronavırýs ınfektsııasyna 8 804 adam shaldyqqan. Bul aldyńǵy kúni tirkelgennen shamamen 1500-ǵa kóp, dep habarlady ANSA agenttigi.

Italııa agenttigi jańa vırýstan tirkelgen ólim oqıǵalarynyń sany táýlik ishinde shamamen eki ese – 43-ten 83 oqıǵaǵa deıin óskenin atap ótti. Pandemııa bastalǵannan beri, elde 36 myńnan astam adam qaıtys bolǵan.


Basty sózder: Koronavırýs, Oqıǵa, Álem, Eýropa,
Joǵary qaraı