Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Frantsııa sharýalary qýańshylyqtan zardap shegýde

2022 jyldyń 13 mamyr 2022 08:16

NUR-SULTAN. QazAqparat – Frantsııadaǵy qurǵaqshylyq sharýalarǵa aýyr tıip jatyr. Bıyl jaýyn-shashyn ádettegiden eki ese az jaýǵan, dep habarlaıdy QazAqparat euronews-qa silteme jasap.

«Qazir bıdaı dánderin naǵyz sýaratyn kez. Jer tolyǵymen qurǵap, kádimgi beton tárizdi bolyp qaldy. Sondyqtan qosymsha sýarý jumystaryn júrgizbeı bıyl egin jınamaı almaımyz», - dedi jergilikti sharýa Roben Lasho.

Bıdaıdy saýyn sıyrlaryn baǵý úshin ósiretin Robenniń keıin júgerini sýarý úshin sýy taýsylýy múmkin. Meteorologtardyń málimetinshe, ótken jyldyń qyrkúıek aıynan beri eldiń úshten eki bóliginde jaýyn-shashynnyń 20 paıyzdyq tapshylyǵy baıqalǵan. Jahandyq jylynýǵa baılanysty mundaı qurǵaq kezeńder jıilep barady.
Degenmen, Robınniń aıtýynsha, sýdy tabýǵa bolady.
«Bizde qysta sý tym kóp, al jazda tapshy. Jalpy alǵanda, sýdyń mólsheri jyl boıy birdeı, biraq ol jyl mezgilderine qaraı birkelki taralmaıdy. Basqasha aıtqanda, bizde úsh aı boıy jańbyr jaýyp, keıingi úsh aı boıy qurǵaq aýa raıy saqtalady. Búginde jańbyrly maýsymda paıdalanýǵa sý qoryn jınamasaq, keıin qınalyp qalamyz», - dedi sharýa.
Frantsýz úkimeti kásipodaqtar ótinishimen sharýalarǵa kómek retinde jańbyr sýyn saqtaý qoımalaryn salý maqsatynda júzdegen mıllıon eýro kóleminde qarajat bóldi.

Dúnıejúzilik banktiń málimetinshe, 2050 jylǵa qaraı 216 mln adam qýańshylyq saldarynan basqa jaqqa kóshýge májbúr bolady.
Basty sózder: Eýropa, Ekologııa, Qýańshylyq, Álem,
Joǵary qaraı