Aýa raıy
Astana 9 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Frantsııada maska taǵý mindetteldi

2020 jyldyń 20 shilde 2020 08:12

PARIJ. QazAqparat – Frantsııada barlyq jabyq qoǵamdyq oryndarda, onyń ishinde vokzalda, áýejaıda, bankter men poshtada, dúkender men shirkeýlerde maska taǵý mindetteldi. Tártip buzýshylarǵa 135 eýro aıyppul salynady , dep habarlaıdy QazAqparat Euronews-ke silteme jasap.

14 shilde Bastılııany azat etý kúnine baılanysty bergen suhbatynda Prezıdent Emmanıýel Makron elde koronavırýstyń qaıtyp oralý belgileri baıqalatynyn málimdedi. Biraq onyń aıtýynsha, bılik buǵan daıyn.

COVID-19 belgileri bar naýqastardyń jedel járdem shaqyrýy jıilep ketken. Tek sońǵy aptada 600-den astam adam aýrýhanaǵa jatqyzylǵan. Olardyń 70-i qazirgi ýaqytta jansaqtaý bóliminde jatyr. Ótken táýlikte 14 naýqas kóz jumǵan.

Aýrýdyń jańa oshaqtary eldiń barlyq aýmaǵynda anyqtaldy. Ásirese, tórt departamentte, Frantsýz Gvıanasynda, Maıottada, Maıen men Jırondada jaǵdaı qaýipti.

Sáýirde Frantsııa bıligi apta saıyn kem degende 700 myń koronavırýsqa test ótkizýge nıetti ekenin málimdegen bolatyn. Biraq búginde bul kórsetkish 300 myńnan aspaıdy.

Sonymen qatar, epıdemıologııalyq jaǵdaıdyń nasharlaýy frantsýzdarǵa kópten kútken jazǵy demalysyn teńizde ótkizýge kedergi keltirmedi. Adamǵa lyq toly jaǵajaılarda barlyǵy birdeı áleýmettik qashyqtyqty saqtamaıdy.

Basty sózder: Koronavırýs, Eýropa, Álem,
Joǵary qaraı