Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Friends of Korea Nur-Sultandaǵy «Ana úılerine» turmystyq tehnıka syılady

2021 jyldyń 18 maýsym 2021 19:56

NUR-SULTAN. QazAqparat – Koreıa Respýblıkasynyń Qazaqstandaǵy elshiligi jáne «Friends of Korea» qaıyrymdylyq toby elordadaǵy eki «Ana úıine» turmystyq tehnıka tartý etti, dep habarlaıdy QazAqparat tilshisi.

Jalpy somasy 2000 AQSh dollary bolatyn tehnıka qatarynda tońazytqyshtar, pesh plıtalary, sháınekter, mıkser, kombaın, qysqatolqyndy pesh jáne ettartqyshtar bar.

«Bul – «Friends of Korea» toby uıymdastyrǵan ekinshi shara bolyp otyr. Ótken jyly biz Nur-Sultandaǵy mamandandyrylǵan balalar úıine bardyq. Barlyq sharany «Friends of Korea» tobyndaǵy stýdentter uıymdastyrǵanyn aıryqsha atap ótkim keledi. Bul stýdentterdiń qaıyrymdylyq aktsııalaryn usynýǵa umtylysyn kórsetedi. Aktsııa aıasynda búgin «Ana úıine» turmystyq tehnıkany usynyp otyrmyz. Bul tehnıkalar úıdi odan ári damytý úshin qandaı da bir kómek bolady dep úmittenemiz. Búgin úıdegi barlyq ınfraqurylymdy kórip, osyndaı qyzmet úshin qurmet bildirgim keledi», - dedi Koreıa Respýblıkasynyń Qazaqstandaǵy Tótenshe jáne Ókiletti elshisi Ký Hong-sok.

Elshiniń aıtýynsha, pandemııa kezeńinde Koreıa Respýblıkasynyń Úkimeti Qazaqstanǵa 800 myń dollar kóleminde gýmanıtarlyq kómek kórsetken.





Sonymen birge, elshilik atynan qarttar úıleri men balalar úıleri úshin túrli is-sharalar ótkizilip keledi.

«Ana úıi» qorynyń ashylǵanyna 8 jyl toldy. Qazirgi ýaqytta tutas Qazaqstan boıynsha 21 úı jumys isteıdi. Búginge deıin 5 myń ana bizdiń jobamyz arqyly kómek alyp, aıaqqa turdy. Osylaısha balalardyń 70%-y jetimder úıine túsken joq. Barlyq úıde jatyn bólmeler men oıyn bólmeleri bar. Birinshi qabat – bul jalpy aımaq jáne analar tigin tigýge, taǵam pisirýge jáne kásipkerlikpen aınalysýǵa bolatyn óndiristik shaǵyn bólmeler bar. Biz psıhologııalyq, áleýmettik, zańgerlik kómek kórsetemiz, járdemaqy alýǵa kómektesemiz. Bizge eriktiler kómektesedi, biraq elshilik deńgeıindegi kómekti alǵash ret alyp turmyz», - dedi qoǵamdyq qordyń atqarýshy dırektory Anar Rahymbaeva.

«Analar úıi» qoǵamdyq qorynyń baǵyttar boıynsha jetekshisi Sánııa Árenovanyń aıtýynsha, Nur-Sultandaǵy eki úıdi 20 ana men 20 bala panalap otyr.

«Ádette bizge baspanasyz, jumyssyz qalǵan, júkti nemese jańa týǵan sábıi bar áıelder keledi. Osylaısha, jas analarǵa qıyn jaǵdaıda balalaryn tastaýǵa jol bermeımiz. Olarmen mamandar jumys isteıdi, psıhologııalyq kómekten bólek, qujattaryn rásimdeýge, mamandyq alýǵa, qujattaryn retteýge kómek kórsetiledi. Shamamen jarty jylda áıelder bizdiń ortalyqtan kóship jatady, al máselesi sheshilmegen áıelder árıne bizde qalaǵanynsha tura alady», - deıdi S. Árenova.





Aıta keteıik, ótken jyly qazan aıynda «Friends of Korea» toby qaıyrymdylyq kómek túrinde «Mamandandyrylǵan balalar úıine» jeke qorǵanys quraldaryn, jórgekter men maılyqtar jáne basqa buıymdardy usyndy.

Sonymen birge, mamyr aıynda Koreıa Respýblıkasynyń Qazaqstandaǵy elshiligi otandyq medıtsına mamandaryna gýmanıtarlyq kómek kórsetti.

«Friends of Korea» toby – Qazaqstan ýnıversıtetteriniń koreı stýdenttik klýbtarymen tanysýǵa jáne tyǵyz ózara baılanys ornatýǵa jáne osy stýdenttik klýbtardyń birlesken sharalaryn ótkizýge arnalǵan dostyq alańy.

Uıym 2019 jyly qurylǵan. Qazirgi ýaqytta top quramynda túrli ýnıversıtetterden, onyń ishinde Nazarbaev ýnıversıteti, L.N. Gýmılev atyndaǵy Eýrazııa ulttyq ýnıversıteti jáne Qorqyt Ata atyndaǵy Qyzylorda memlekettik ýnıversıtetinen 150-den astam stýdent bar.





Joǵary qaraı