Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: Anglııa kýbogynda londondyq «Arsenal» jeńimpaz atandy

2020 jyldyń 2 tamyz 2020 00:44

NUR-SULTAN. QazAqparat - Búgin fýtboldan Anglııa kýbogynda londondyq «Arsenal» jeńimpaz atandy, dep habarlaıdy QazAqparat tilshisi.

Fınalda el astanasy - London qalasynyń namysyn qorǵap júrgen «Arsenal» jáne «Chelsı» komandalary kezdesti. Oıyn «Wembley» stadıonynda ótti.

Kezdesý barysynda qos komanda da kýbokty jeńip alýǵa baryn saldy. Aldymen 5-mınýtta «Chelsı» oıynshysy Krıstıan Pýlıshıch mergendik kórsetti. Al 28-mınýtta «Arsenal» shabýylshysy Per-Emerık Obameıang 28-mınýtta penaltıden tarazy basyn teńestirdi. Ol 67-mınýtta óz komandasyn alǵa shyǵardy. Oıynda «Arsenal» qarsylasyn 2:1 esebimen jeńip, óziniń tarıhynda 14 márte kýbokty tóbesine kóterdi.

Aıta keteıik, «Arsenal» Anglııa kýbogyn «Arsenal» jarystyń úshinshi kezeńinen bastady. Aldymen «Lıds ıÝnaıtedti» 1:0 esebimen tize búktirse, odan keıin «Bornmýtty» 2:1, «Portsmýtty» 2:0 esebimen jeńdi. Altynshy kezeńde «Sheffıld ıÝnaıtedti» orta jolda qaldyrsa, jartylaı fınalda «Manchester Sıtıden» 2:0 esebimen basym tústi. Osylaısha fınalǵa joldama aldy.

Fınalǵa deıin «Chelsı» de birneshe komandany orta jolda qaldyryp ketti. Jarystyń úshinshi satysynda «Nottıngem Forestti» 2:0, odan keıin «Hall Sıtıdi» 2:1, «Lıverpýldi» 2:0 esebimen jeńdi. Al kelesi kezekte «Lester Sıtıden» 1:0 esebimen basym tústi. Jartylaı fınalda «Manchester ıÝnaıtedti» 3:1 esebimen qapy qaldyrdy.

«Arsenal» Anglııa kýbogynda 13 dúrkin chempıon atandy. Sońǵysy - 2017 jyly. Sondaı-aq, 7 ret fınalǵa shyqqan bolatyn. Al «Chelsı» atalmysh jarysta 8 márte jeńimpaz boldy. Kýbokqa olar sońǵy ret 2018 jyly qol jetkizdi.

Esterińizge sala ketelik, 27 shildede Anglııa Premer-lıgasy máresine jetti. Onda «Lıverpýl» chempıondyq ataqqa qol jetkizdi.

Anglııa Premer lıgasynyń aldaǵy maýsymy 12 qyrkúıekte bastalady. Ol 2021 jyldyń 23 mamyrynda máresine jetedi.


Avtor Ádiljan Úmbet
Basty sózder: Eýropa, Sport,
Joǵary qaraı