Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: «Kaspıı» men «Aqjaıyq» teń oınady

2021 jyldyń 24 qazan 2021 20:45

NUR-SULTAN. QazAqparat – Fýtboldan Qazaqstan chempıonatynyń 25-týrynda Aqtaýdyń «Kaspııi» Oraldyń «Aqjaıyǵyn» qabyldady, dep habarlaıdy QazAqparat tilshisi.

Bul kezdesýde oraldyqtardy jattyqtyratyn ýkraınalyq maman Vladımır Mazıar birqatar ózgeris jasady. Sonyń ishinde qaqpa kiltin reseılik Stepan Sıkach ustady.

Birinshi taımda alań ıeleri óz basymdylyqtaryn kórsete bildi. Aldymen 15-mınýtta belorýssııalyq Alekseı Zaleskıı aıyp dobyn dál oryndady. Sodan keıin 30-mınýtta ol 11 metrlik penaltıden de múlt ketken joq – 2:0.

Esesine ekinshi taımda qonaqtar sátti oınady. 46-mınýtta ýkraınalyq Alekseı Chıchıkov esepti qysqartty. 67-mınýtta reseılik Mıhaıl Gaenkov tarazy basyn teńestirip ketti – 2:2.

M.Gaenkov ótken oıynda da mergendigimen kózge túsken bolatyn.

Bul týrdan keıin 32 upaı jınaǵan «Aqjaıyq» 7-orynǵa jaıǵassa, «Kaspıı» 9-satyda qaldy.

El chempıonatynyń sońǵy týrynda 30 qazan kúni «Aqjaıyq» óz alańynda Qostanaıdyń «Tobylyn» qabyldaıdy. Bul, ásirese, qostanaılyqtar úshin sheshýshi kezdesý bolmaq. Onda «Tobyl» utsa ne teń oınasa, Qazaqstan chempıony atanady.

Eske sala keteıik, budan buryn «Aqjaıyq» pen «Turannyń» teń tarqasqanyn jazǵan bolatynbyz.

Sýretter: Aıbatyr NURASh


Avtor Eljan Eraly
Basty sózder: Sport,
Joǵary qaraı