Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Fýtbol: «Qaısar» quramyna jańadan oıynshylar qosyldy

2021 jyldyń 27 aqpan 2021 22:12

QYZYLORDA. QazAqparat - Qyzylordalyq «Qaısar» birqatar fýtbolshylarmen kelisim-shartqa qol qoıdy, dep habarlaıdy QazAqparat tilshisi.

Aldaǵy maýsymda Armenııa quramasynyń shabýylshysy Gegam Kadımıan qyzylordalyq klýb namysyn qorǵaıdy. 1992 jyldyń 19 qazanda dúnıege kelgen ol budan buryn Ýkraına, Armenııa jáne Belarýs elderinde dop tepken.

Chernogorııalyq 29 jastaǵy shabýylshy Stefan Denkovıch te bıyl «Qaısardyń» quramynda bolady. Ol buǵan deıin Izraıl, Serbııa, Vengrııa, Belarýs, Polsha elderiniń komandalarynda oınaǵan.

Reseılik 27 jastaǵy qorǵaýshy Egor Potapov bıylǵy jyly qyzylordalyq komanda sapyna qosyldy. Fýtbolshylyq mansabynda Chehııa, Reseı, Lıtva, Estonııa, Qyrǵyzstan elderinde sheberligin arttyrǵan.

Byltyr Reseıdiń SKA (Habarovsk) klýbynda oınaǵan qazaqstandyq Arman Keńesov te «Qaısardyń» quramyn tolyqtyrdy. Sondaı-aq, ol buǵan deıin Pavlodardyń «Ertisinde» dop tepti.

Sondaı-aq, uzaq jyldan beri qyzylordalyq ujym quramynda oınap júrgen Dýman Nárizldaevpen kelisim-shart taǵy da uzartyldy.

Aıta keteıik, bıyl «Qaısar» klýbyna jańa bas bapker taǵaıyndaldy.



Avtor Ádiljan Úmbet
Basty sózder: Sport, Qyzylorda oblysy,
Joǵary qaraı