Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Chempıondar lıgasy: «Manchester Sıtı» fınalǵa joldama aldy

2021 jyldyń 5 mamyr 2021 07:58

NUR-SULTAN. QazAqparat - UEFA Chempıondar lıgasy fınalyna shyqqan alǵashqy komanda anyqtaldy, dep habarlaıdy QazAqparat tilshisi.

Atalǵan joldamaǵa Anglııanyń «Manchester Sıtı» klýby ıe boldy. Ol búgin óz alańynda Frantsııanyń «Parı Sen-Jermen» komandasyn 2:0 esebimen súrindirdi.

Esterińizge sala ketelik, eki klýb arasyndaǵy alǵashqy kezdesýde aǵylshyndyq klýb 2:1 esebimen basym túsken bolatyn. Sondyqtan búgingi oıynda «Parı Sen-Jermen» jeńiske jetý jolyn izdeýi tıis edi.

Dese de «Manchester Sıtı» senimdi oıyn kórsetti. Oıynnyń 11, 63-mınýttarda Rııad Marez mergendigimen kózge tústi.

Chempıondar lıgasy jartylaı fınalyndaǵy taǵy bir kezdesýde «Chelsı» (Anglııa) jáne «Real Madrıd» (Ispanııa) komandalary sheberlik baıqasady. Bul oıyn 5 mamyrda bolady.

UEFA Chempıondar lıgasynyń fınaly 29 mamyrda Túrkııanyń Ystanbul qalasynda Olımpıadalyq stadıonda bolady.

Avtor Ádiljan Úmbet
Basty sózder: Sport,
Joǵary qaraı