Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Anglııa men Horvatııanyń qaısysy basym túsedi

2021 jyldyń 13 maýsym 2021 13:42

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńinde úsh oıyn bolady, dep habarlaıdy QazAqparat tilshisi.

Búgingi oıyndar S jáne D toptarynda ótkiziledi.

Alǵashqy kezdesýde D tobyndaǵy Anglııa men Horvatııa quramalary jasyl alańǵa shyǵady. Oıyn Anglııa astanasy London qalasyndaǵy «Ýemblı» stadıonynda ótkiziledi.

Eki qurama buǵan deıin 10 márte kezdesti. Onyń ekeýinde horvattar jeńiske jetse, beseýinde aǵylshyndar basym túsip, úsh oıyn teń aıaqtaldy.

Eýropa chempıonaty fınaldyq satysyna Anglııa buǵan deıin toǵyz márte qatysty. 1968, 1996 jyldarda qola júldeger atandy. Al Horvatııa bes márte oınap, 1996, 2000 jyldarda shırek fınalǵa deıin jetti.

Oıyn elorda ýaqytymen 18.50-de bastalyp, «Qazaqstan» telearnasynan tikeleı efırde kórsetiledi.

S tobyndaǵy alǵashqy kezdesýde Avstrııa men Soltústik Makedonııa quramalary sheberlik baıqasady. Oıyn Rýmynııa astanasy Býharest qalasyndaǵy Natsıonal stadıonynda ótedi.

Eki qurama buǵan deıin eki márte sheberlik baıqasqan. Ekeýinde de avstrııalyq fýtbolshylar jeńiske jetti.

Qurlyqtyq dodanyń fınaldyq satysynda avstrııalyq fýtbolshylar úshinshi márte baq synaıdy. Budan buryn olar 2008, 2016 jyldarda toptyq kezeńde oınady.

Soltústik Makedonııa Eýropa chempıonaty fınaldyq satysyna tuńǵysh ret joldama alyp otyr. Ázirge budan basqa qol jetkizgen joǵary nátıjesi joq.

Kezdesý elorda ýaqytymen 21.50-de bastalyp, «Qazaqstan» telearnasynan tikeleı efırde kórsetiledi.

Úshinshi oıyn kúnin S tobyndaǵy Nıderlandy jáne Ýkraına quramalary qorytyndylaıdy. Kezdesý Nıderlandy astanasy Amsterdam qalasyndaǵy Iohan Krýıff stadıonynda bolady.

Eki qurama buǵan deıin eki márte kezdesti. Bireýinde nıderlandylyq fýtbolshylardyń mereıi ústem bolsa, bireýinde teń nátıje tirkeldi.

Qurlyqtyq dodaǵa toǵyzynshy márte qatysqan nıderlandylyq qurama 1988 jyly chempıon atansa, tórt márte qola júldege qol sozdy.

Ýkraına quramasy bıyl úshinshi márte kári qurlyqtaǵy úzdikter qatarynda synǵa túsedi. Budan buryn 2012, 2016 jyldarda toptyq kezeńnen árige asa alǵan joq.

Kezdesý elorda ýaqytymen 00:50-de bastalyp, «Qazsport» telearnasynan tikeleı efırde kórsetiledi.

Budan buryn A jáne V toptarynda alǵashqy týr oıyndary ótkizildi.

Avtor Ádiljan Úmbet
Basty sózder: Sport,
Joǵary qaraı