Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Danııa men Fınlıandııa tuńǵysh resmı kezdesýin ótkizedi

2021 jyldyń 12 maýsym 2021 20:15

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńinde Danııa jáne Fınlıandııa quramalary kezdesedi, dep habarlaıdy QazAqparat tilshisi.

Eki qurama V tobynda synǵa túsedi. Atalǵan topta olardan bólek Reseı men Belgııa quramalary bar.

Bul kezdesý elorda ýaqytymen saǵat 21:50-de bastalyp, «Qazsport» telearnasynan tikeleı efırde kórsetiledi.

Qos qurama arasyndaǵy tartys Danııa astanasy Kopengagen qalasyndaǵy «Parken» stadıonynda ótedi. Bas tóreshi - anglııalyq Entonı Teılor. Oǵan otandastary Garı Besvık pen Adam Nann kómekshilik jasaıdy. Qosalqy tóreshi - Sandro Sherer.

Aıta keteıik, eki qurama buǵan deıin bir márte kezdesken. 2011 jyly ótken joldastyq matchta danııalyq fýtbolshylar 2:1 esebimen basym túsken edi.

FIFA-nyń jańartylǵan reıtınginde Danııa quramasy 10-orynda tursa, Fınlıandııa 54-orynǵa jaıǵasqan.

Danııalyq fýtbolshylar Eýropa chempıonatynda buǵan deıin segiz márte baq synady. 1984 jyly qola júldeger bolsa, 1992 jyly chempıon atandy.

2020 jylǵy Eýropa chempıonaty irikteý kezeńinde danııalyqtar F tobynda birinshi oryn aldy. Atalǵan topta ekinshi oryn Shotlandııa quramasyna buıyrdy.

Al Fınlıandııa qurlyqtyq dodanyń fınaldyq kezeńine alǵash ret shyǵyp otyr. Búgin tusaýkeser matchyn ótkizedi.

2020 jylǵy Eýropa chempıonaty irikteý kezeńinde Fınlıandııa J tobynda ekinshi oryn aldy. Aldynda Italııa quramasy tur.

Eske salsaq, buǵan deıin qurlyqtyq dodada A tobynda eki oıyn ótkizildi.




Avtor Ádiljan Úmbet
Basty sózder: Qoǵam, Sport,
Joǵary qaraı