Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Portýgalııa Germanııadan 21 jyl ishinde qatarynan besinshi ret jeńildi

2021 jyldyń 20 maýsym 2021 00:14

NUR-SULTAN. QazAqparat - Búgin fýtboldan Eýropa chempıonatynyń fınaldyq satysynyń toptyq kezeńi ekinshi týrynda Portýgalııa men Germanııa kezdesti, dep habarlaıdy QazAqparat tilshisi.

Eske salsaq, atalǵan eki qurama F tobynda synǵa túsedi. Qarsylastary – Frantsııa men Vengrııa.

Portýgalııa men Germanııa buǵan deıin 11 márte kezdesti. Onyń 7-eýinde nemister jeńiske jetip, 1-eýinde portýgaldar basym tússe, qalǵanynda teń nátıje tirkeldi.

Búgingi kezdesýde aldymen portýgaldyq Krıshtıaný Ronaldý 15-mınýtta esep ashty. Odan keıin portýgaldar qatarynan Rýben Dıash 35, Rafael Gerreırý 39-mınýttarda óz qaqpasyna avtogol soǵyp aldy. Budan Germanııa quramasynan Kaı Haverts 51, Robın Gosens 60-mınýttarda mergendik tanytty. Oıynnyń 67-mınýtynda portýgaldyq Dıogý Jota esep aıyrmasyn qysqartty.

Kezdesýde Germanııa qarsylasynan 4:2 esebimen basym tústi.

Aıta keterligi, Portýgalııa sońǵy ret Germanııany 2000 jyly 3:0 esebimen jeńgen edi. Sodan beri atalǵan qarsylasyna bes márte ese jiberdi.

Búgin atalǵan toptaǵy taǵy bir kezdesýde Vengrııa men Frantsııa 1:1 esebimen teń tústi.

Bul toptaǵy úshinshi týrda 23 maýsymda Germanııa men Vengrııa, Portýgalııa men Frantsııa jasyl alańǵa shyǵady.

Avtor Ádiljan Úmbet
Basty sózder: Sport, Álem,
Joǵary qaraı