Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Ýels pen Shveıtsarııa alǵash ret teń tústi

2021 jyldyń 12 maýsym 2021 21:38

NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńinde Ýels jáne Shveıtsarııa quramalary kezdesti, dep habarlaıdy QazAqparat tilshisi.

Match Ázerbaıjan astanasy Baký qalasyndaǵy Olımpıadalyq stadıonynda ótti.

Aıta keteıik, eki qurama buǵan deıin 2 márte kezdesip, bir-birden jeńiske jetken bolatyn.

Búgingi kezdesýde shveıtsarııalyq fýtbolshylar basym oınady. Alǵashqy goldy shveıtsarııalyq Brıl Embolo 49-mınýtta soqty. Al 74-mınýtta Ýels oıynshysy Kıffer Mýr tarazy basyn teńestirdi. Osylaısha qos qurama 1:1 esebine qanaǵat bildirip tarasty.

Eske salsaq, keshe, 11 maýsymda A tobynda Italııa Túrkııany 3:0 esebimen jeńdi.

Atalaǵan topta 3 upaımen Italııa kósh bastap tur. Odan keıingi oryndarda bir-bir upaıdan enshilegen Ýelıas jáne Shveıtsarııa quramalary tursa, Túrkııanyń qorjyny ázirge bos.

Sondaı-aq, búgin V tobynda Danııa men Fınlıandııa (saǵat 21:50), Belgııa men Reseı (saǵat 00:50) quramalary kezdesedi.

Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady.

Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda bolady. Bul Eýropa chempıonatynyń 60 jyldyq mereıtoıyna oraı uıymdastyrylǵan.


Avtor Ádiljan Úmbet
Basty sózder: Sport, Qoǵam,
Joǵary qaraı