Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa chempıonaty: Ýels Túrkııany 2:0 esebimen jeńdi

2021 jyldyń 17 maýsym 2021 00:10

NUR-SULTAN. QazAqparat - Fýtboldan Eýropa chempıonatynyń fınaldyq satysyndaǵy toptyq kezeńi ekinshi týrynda Túrkııa men Ýels quramalary kezdesti, dep habarlaıdy QazAqparat tilshisi.

Eske salsaq, atalǵan eki qurama A tobynda synǵa túsedi. Qarsylastary – Italııa jáne Shveıtsarııa.

Alǵashqy týrda Túrkııa Italııaǵa 0:3 esebimen jol berse, Ýels Shveıtsarııamen 1:1 esebimen teń oınady.

Eki qurama buǵan deıin alty márte kezdesken. Onyń úsheýinde ýelstikter jeńiske jetip, ekeýinde túrkııalyqtar basym tússe, eki oıynda teń nátıje tirkeldi.

Aıta keterligi, ekeýi sońǵy márte 27 jyl Eýropa chempıonaty irikteý kezeńinde kezdesip, ol oıynda túrkııalyq fýtbolshylar 6:4 esebimen jeńis toıyn toılady.

Búgingi kezdesýde eki quramanyń da jeńiske jetetin múmkindigi zor boldy. Oıynnyń 42-mınýtynda ýelstik Aaron Remsı esep ashsa, 90-mınýtta onyń otandasy Konnor Roberts qorytyndy esepti belgiledi.

Osylaısha Ýels qarsylasynan 2:0 esebimen basym tústi. Bul jeńisinen keıin óz tobynda ázirge kósh basyna shyqty.

Endi A tobyndaǵy taǵy bir kezdesýde elorda ýaqytymen 00.50-de Italııa men Shveıtsarııa quramalary kezdesedi.

Atalǵan toptaǵy úshinshi týr oıyndary 20 maýsymda ótkiziledi. Bul kúni Shveıtsarııa men Túrkııa, Ýels pen Italııa sheberlik baıqasady.


Avtor Ádiljan Úmbet
Basty sózder: Sport,
Joǵary qaraı