Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan eýropa chempıonaty: Jarystyń 1/8 fınalyna shyqqan quramalar anyqtaldy

2021 jyldyń 24 maýsym 2021 03:00

NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi máresine jetti. Jarystyń 1/8 fınalyna shyqqan quramalar tolyq belgili boldy, dep habarlaıdy QazAqparat tilshisi.

Toptyq kezeńdegi sońǵy oıyn kúninde E jáne F tobyndaǵy quramalar sheberlik baıqasty.

E tobynda alǵashqy eki týrda nebári eki upaıdy qanaǵat tutqan Ispanııa úshinshi týrda Slovakııany 5:0 esebimen tas-talqan etip jeńdi. Aldymen 30-mınýtta slovakııalyq Martın Dýbravka óziniń qaqpasyna gol soǵyp alsa, odan keıin Ispanııa sapynan Emerık Laport 45-mınýtta esepti ústemeleı tústi. Al olardyń qatarynan Pablo Sarabııa 56, Ferran Torres 67-mınýtta mergendik tanytsa, 71-mınýtta slovakııalyq ıÝraı Kýtska taǵy bir avtogoldyń avtory atandy.

Atalǵan toptaǵy Shvetsııa men Polsha kezdesýinde de bes soǵyldy. Oıyn barysynda shvetsııalyq Emıl Forsberg 2, 59-mınýttarda dáldik kórsetse, 61, 84-mınýttarda polshalyq Robert Levandovskı eki gol soqty. Shvetsııaǵa jeńis alyp kelgen dopty 93-mınýtta Vıktor Klasson óziniń enshisine jazdy. Osylaısha olar qarsylasyn 3:2 esebimen tize búktirdi. Bul topta 7 upaımen Shvetsııa kósh bastasa, ekinshi oryn 5 upaıy bar Ispanııaǵa buıyrdy.

F tobynda da pleı- off satysyna tartysty báseke júrdi. Jankúıerler aldymen Portýgalııa men Frantsııa kezdesýine kóz tikti. Kezdesý barysynda qos qurama qaqpasyna úsh penaltı belgilenip, olardyń barlyǵy tolyqtaı oryndaldy. Portýgalııalyq Krıshtıaný Ronaldý 30, 60-mınýttarda penaltıden múlt ketken joq. Osylaısha ol qurama sapynda óziniń 109-golyn soǵyp, álemdik rekordta ózgeris engizdi. Budan buryn mundaı kórsetkish ırandyq Alı Daeıdiń enshisine jazylǵan bolatyn.

Al Frantsııa quramynan Karım Benzema 45-mınýtta sondaı múmkindikti paıdalansa, 47-mınýtta oıyn barysynan gol soǵyp ketti.

Oıynda 2:2 esebi tirkelip, qos qurama da pleı-off satysyna joldama aldy.

Atalǵan toptaǵy taǵy bir kezdesýde Vengrııa quramasy Germanııaǵa qarsy jigerli oıyn kórsetti. Olardyń qatarynan Adam Salaı 11-mınýtta esep ashsa, nemis fýtbolshysy Kaı Haverts 66-mınýtta tarazy basyn teńestirgen edi. Degenmen 68-mınýtta Andrash shefer qaıtadan Vengrııany alǵa shyǵardy. Al 84-mınýtta nemis fýtbolshysy Leon Goretska taǵy da esepti teńestirdi. Oıynda 2:2 esebimen teń tústi. Germanııa ekinshi oryn alyp, pleı-off satysyna shyqty.

Jarystyń 1/8 fınalynda Ýels pen Danııa, Italııa men Avstrııa, Nıderlandy men Chehııa, Belgııa men Portýgalııa, Horvatııa men Ispanııa, Frantsııa men Shveıtsarııa, Anglııa men Germanııa, Shvetsııa men Ýkraına kezdesetin boldy.

Endi 1/8 fınal oıyndary 26-29 maýsym kúnderi ótkiziledi.

Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda ótýde. Bul Eýropa chempıonatynyń 60 jyldyq mereıtoıyna oraı uıymdastyrylǵan.

Fýtboldan Eýropa chempıonaty 11 maýsymda bastaldy, ol 11 shildede máresine jetedi.


Avtor Ádiljan Úmbet
Basty sózder: Qoǵam, Sport,
Joǵary qaraı