Aýa raıy
Astana -25 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Eýropa lıgasy: Shırek fınalǵa 2 komanda shyqty

2020 jyldyń 6 tamyz 2020 01:05

NUR-SULTAN. QazAqparat - UEFA Eýropa lıgasy shırek fınalyna joldama alǵan eki komanda belgili boldy, dep habarlaıdy QazAqparat tilshisi.

Mundaı mártebe Ýkraınanyń «Shahter Donetsk» jáne Danııanyń «Kopengagen» komandalaryna buıyrdy. Ekeýi de búgin óz alańynda qarsylastaryn jeńdi

Ýkraınanyń «Shahter Donetsk» klýby óz alańynda Germanııanyń «Volfsbýrg» komandasyn qabyldady. Ekeýiniń arasyndaǵy alǵashqy kezdesýde ýkraındyq fýtbolshylar syrt alańda 2:1 esebimen jeńiske jetti. Sondyqtan olar úshin búgin teń esepti ustap turý jetkilikti edi. Ýkraındyq klýb kezdesý aıaqtalar sátte qarsylastar qaqpasyna qatarynan úsh gol soqty. Aldymen 89-mınýtta Jýnıor Moraes esep ashsa, 91-mınýtta Manor Solomon esepti ústemeleı tústi. Al 93-mınýtta Jýnıor Moraes ekinshi golyn soǵyp qorytyndy esepti belgiledi. Osylaısha «Shahter Donetsk» qarsylasyn 3:0 esebimen tize búktirdi. Endi olar 11 tamyzda «Bazel» (Shveıtsarııa) jáne «Aıntraht Frankfýrt» (Germanııa) jubynyń jeńimpazymen kezdesedi.

Taǵy bir kezdesý Danııada ótkizildi. Jergilikti «Kopengagen» óz alańynda Túrkııanyń «Istanbýl Bashakshehır» komandasyn qabyldady. Alǵashqy kezdesýde túrkııalyq fýtbolshylar 1:0 esebimen jeńiske jetken bolatyn. Alań ıeleri qatarynan 4-mınýtta Ionas Vınd esep ashty. Osylaısha qos oıynnyń nátıjesi teńesti. Kezdesý tartysty órbı tústi. Danııalyqtar odan keıin taǵy eki gol soqty. Ionas Vınd 53-mınýtta ekinshi goldyń avtory atansa, 62-mınýtta «Kopengagen» klýbynyń taǵy bir oıynshysy Rasmýs Falk esepti ústemeleı tústi. Oıynda «Kopengagen» 3:0 esebimen jeńiske jetti. Endi olar 10 tamyzda Anglııanyń «Manchester ıÝnaıted» jáne Avstrııanyń LASK jubynyń jeńimpazymen sheberlik baıqasady.

Sondaı-aq, búgin taǵy da eki oıyn ótkiziledi. Óz alańynda Anglııanyń «Manchester ıÝnaıted» klýby Avstrııanyń LASK, Italııanyń «Interi» Ispanııanyń «Hetafe» komandalaryn qabyldaıdy.

Eýropa lıgasy oıyndary erteń de jalǵasady https://www.inform.kz/qz/futboldan-europa-ligasy-kayta-zhalgasady_a3680211. Bul kúni «Sevılıa» (Ispanııa) jáne «Roma» (Italııa), «Baıer» (Germanııa) jáne «Glazgo Reındjers» (Shotlandııa), «Výlvergempton Ýonderers» (Anglııa) jáne «Olımpıakos Pıreı» (Grekııa), «Bazel» (Shveıtsarııa) jáne «Aıntraht Frankfýrt» (Germanııa) komandalary sheberlik baıqasady.

Esterińizge sala ketelik, koronavırýs pandemııasy saldarynan atalǵan dop dodasynyń 1/8 fınalynyń qarymta oıyndary 12 naýryzdan keıin belgisiz merzimge keıinge shegerilgen edi. Sol oıyndar, búgin 5 tamyzdan bastap qaıta jalǵasty.

Jarystyń shırek jáne jartylaı fınal oıyndary Germanııanyń Gelzenkırhen, Dýısbýrg, Dıýsseldorf, Keln qalalarynda ótkiziledi. Al fınal 21 tamyzda Keln qalasyndaǵy «Reın Energı» stadıonynda bolady.


Avtor Ádiljan Úmbet
Basty sózder: Sport,
Joǵary qaraı