Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan birinshiligi: «Qaırat» «Shahtermen» teń tústi

2021 jyldyń 26 qyrkúıek 2021 23:31

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 22-týrynyń alǵashqy oıyn kúni ótti, dep habarlaıdy QazAqparat tilshisi.

Bul kúngi basty oıynnyń biri - Almatynyń «Qaıraty» men Qaraǵandynyń «Shahteri» arasynda boldy. Almatylyq klýb bıyl chempıondyqtan úmitker retinde sanalǵan edi. Degenmen sońǵy oıyndarda olar qarsylastaryna ese jiberip, mundaı ataqqa qol jetkizýden qashyqtap barady.

«Shahtermen» kezdesýde alamtylyq klýb jeńilip qala jazdady. Qaraǵandylyq klýbtan 76-mınýtta Idrıs Ýmaev esep ashqan edi. Oıynnyń 88-mınýtynda qaırattyq Rade Dýgalıch tarazy basyn teńestirip, ol «Qaıratty» jeńilisten qutqaryp qaldy. Osylaısha eki komanda 1:1 esebine qanaǵat bildirdi.

«Qaırat» bıyl chempıon atana almaıtyn sekildi. Óıtkeni, «Astana» men «Tobyl» komandalary bir oıyn kem ótkizgenine qaramastan, almatylyq klýbtan 5-6 upaıǵa uzap ketti.

22-týrdaǵy taǵy eki kezdesýde Túrkistannyń «Turany» syrt alańda Petropavldyń «Qyzyljaryn» 1:0 esebimen tize búktirse, óz alańynda «Aqtóbe» Taldyqorǵannyń «Jetisýynan» 2:0 esebimen basym tústi.

Atalǵan týrdaǵy ózge oıyndar 27 qyrkúıekte jalǵasady. Bul kúni «Ordabasy» men «Kaspıı», «Atyraý» men «Tobyl», «Aqjaıyq» pen «Qaısar», «Astana» men «Taraz» komandalary kezdesedi.


Avtor Ádiljan Úmbet
Basty sózder: Sport, Qoǵam, Fýtbol,
Joǵary qaraı