Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan birinshiligi: «Qaısar» 11 oıynnan keıin jeńiske jetti

2021 jyldyń 19 maýsym 2021 22:55

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on altynshy týry máresine jetti, dep habarlaıdy QazAqparat tilshisi.

Atalǵan týrda búgin úsh kezdesý ótkizildi. Al tórt kezdesý keshe boldy.

Búgingi alǵashqy oıynda Qostanaıdyń «Tobyly» óz alańynda Taldyqorǵannyń «Jetisýynan» 2:1 esebimen basym tústi. Bul kezdesýdegi úsh gol da penaltıden soǵyldy. Birinshi kezeńniń 19-mınýtynda taldyqorǵandyq Aslan Ádil sol múmkindikti múlt jibergen joq. Al qostanaılyq klýbtan Nemanıa Nıkolıch 37, Azat Nurǵalıev 47-mınýttarda qaqpashyny qapy qaldyrdy.

Taǵy bir kezdesýde Qyzylordanyń «Qaısary» syrt alańda Aqtaýdyń «Kaspıı» klýbyn 4:2 esebimen jeńdi. «Qaısar» quramynan birinshi kezeńniń 25-mınýtynda Klarens Bıtang qarsylastar qaqpasynyń toryn týlatsa, ekinshi kezeńniń 74, 78-mınýttarynda Karolıs Laýkjemıs qos goldyń avtory atandy. Al Dýman Nárzildaev 85-mınýtta esepti ulǵaıtsa, oǵan «Kaspıı» quramynan Rýslan Mıngazov 86, Ramazan Karımov 90-mınýttarda eki golmen jaýap qaıyrdy. Osylaısha qyzylordalyq komanda 12 oıynǵa sozylǵan sátsizdikter serııasyn toqtatty.

Almatynyń «Qaıraty» Túrkistanda jergilikti «Turan» komandasynyń 3:0 esebimen osal tusyn tapty. Oıynnyń 12-mınýtynda almatylyq klýbtan Vagner Lav gol soqsa, odan keıin Artýr Shýshenachev 47, Arsen Býranchıev 66-mınýttarda esepti ústemeleı tústi.

Aıta keteıik, atalǵan týrdaǵy tórt oıyn keshe, 18 maýsymda ótkizildi. Bul kúni óz alańynda «Qyzyljar» «Aqjaıyqtan», «Ordabasy» «Aqtóbeden» 0:1, «Atyraý» «Astanadan» 0:2 esebimen jeńilse , «Shahter» «Tarazdy» 1:0 esebimen tize búktirdi.

Avtor Ádiljan Úmbet
Basty sózder: Sport,
Joǵary qaraı