Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan chempıonaty: «Qaırat» syrt alańda «Aqtóbeni» jeńdi

2021 jyldyń 16 qazan 2021 21:02

NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 24-týry aıaqtaldy, dep habarlaıdy QazAqparat tilshisi.

Atalǵan týrdyń alǵashqy oıyn kúninde tórt kezdesý ótkizildi.

Almatynyń «Qaıraty» syrt alańda «Aqtóbemen» sheberlik baıqasty. Oıyn barysynda almatylyq klýb sapynan 31-mınýtta Artýr Shýshenachev esep ashsa, 41-mınýtta Gúljigit Alyqulov esepti ústemeleı tústi. Al 73-mınýtta Nuráli Álip avtogol avtory atandy. Oıynda «Qaırat» qarsylasyn 2:1 esebimen tize búktirdi.

Shymkenttiń «Ordabasy» komandasy óz alańynda «Atyraýdan» 2:1 esebimen basym tústi. Aldymen atyraýlyq Allef De Andrade Rodrıgesh 47-mınýtta esep ashsa, odan keıin shymkenttik klýbtan Sultanbek Astanov – 56, Abdýllaı Dıakate 73-mınýttarda qos gol soǵyp ketti.

Taǵy bir kezdesýde Qaraǵandynyń «Shahteri» óz alańynda Aqtaýdyń «Kaspııin» 1:0 esebimen súrindirdi. Kezdesý taǵdyryn sheshken jalǵyz goldy 70-mınýtta Idrıs Ýmaev óziniń enshisine jazdy.

Sondaı-aq, Oralda «Aqjaıyq» pen Túrkistannyń «Turany» 1:1 esebine qanaǵat bildirdi.

Ekinshi oıyn kúni 17 qazanda jalǵasady. Bul kúni Taldyqorǵannyń «Jetisýy» men «Taraz», Petropavldyń «Qyzyljary» men Qostanaıdyń «Tobyly», elordalyq «Astana» men Qyzylordanyń «Qaısary» kezdesedi.


Avtor Ádiljan Úmbet
Basty sózder: Sport, Fýtbol, Qoǵam,
Joǵary qaraı