Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Fýtboldan Qazaqstan chempıonatynda «Qyzyljar» «Aqjaıyqtan» basym tústi

2022 jyldyń 22 mamyr 2022 17:51

NUR-SULTAN. QazAqparat – Fýtboldan Qazaqstan chempıonatynyń 12-týrynda «Qyzyljar» elordadaǵy «Astana Arena» stadıonynda Oraldyń «Aqjaıyǵyn» qabyldady, dep habarlaıdy QazAqparat tilshisi.

Bul - birinshilik aýtsaıderleriniń ózara kezdesýi edi.

Bıyl Konferentsııa lıgasynda Qazaqstan atynan óner kórsetetin qyzyljarlyqtar sońǵy jeti oıynda jeńiske jete almasa, keıingi matchtaryn súreńsiz ótkizgen oraldyqtardyń da jaǵdaıy máz emes-ti.

Bul joly Alı Alıevtiń shákirtteri shıraq qımyldap, 5-mınýtta chernogorııalyq legıoner Darko Zorıch esep ashty. Birinshi taımda «Qyzyljardyń» qaqpashysy, komanda kapıtany, reseılik Mıroslav Lobantsev birneshe ret goldan qutqaryp qaldy.

Oıynnyń ekinshi kezeńinde «Aqjaıyq» sapyndaǵy grýzııalyq Lýka Imnadze tepken top qaqpa mańdaıshasyna tıip, asyp ketti. Al, «Qyzyljardan» brazılııalyq Jıan Martıns esepti 2:0-ge jetkizdi. Budan keıin «Aqjaıyqtyń» kapıtany, reseılik Sergeı Shýstıkov ýkraınalyq Artýr Mýrzanyń esepti ulǵaıtýyna múmkindik bergen joq.

Osylaısha, kópten kútken jeńisine qol jetkizgen «Qyzyljar» 12 upaı jınap, týrnır kestesinde «Aqjaıyqty» basyp ozyp, 11-orynǵa kóterildi.

Ýkraınalyq Vladımır Mazıar jattyqtyratyn oraldyqtardyń jaǵdaıy tipti qıyndaı tústi. Ásirese, komandanyń shabýyl shebi álsiz bolyp tur. Qorǵanysy da jıi syr berýde. Qazirgi kezde oraldyqtar chempıonattaǵy goldy eń az soqqan komanda bolyp esepteledi.

BQO dene shynyqtyrý jáne sport basqarmasynyń basshysy Qaımen Esendııarovtyń aıtýynsha, «Aqjaıyq» fýtbol klýbynyń bıylǵy bıýdjeti 1,1 mlrd teńgeni quraıdy.

Eske sala keteıik, budan buryn fýtboldan el quramasynyń Ulttar lıgasyndaǵy oıyn kestesi jarııalanǵanyn jazǵan bolatynbyz.

























Sýretterdi túsirgen Aıbatyr NURASh

Avtor Eljan Eraly
Basty sózder: Fýtbol, Sport,
Joǵary qaraı