Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan kýbogy: «Astana» jartylaı fınalǵa shyqty

2021 jyldyń 22 qyrkúıek 2021 20:54

NUR-SULTAN. QazAqparat - Fýtboldan Qazaqstan kýbogynyń jartylaı fınalyna shyqqan alǵashqy komanda anyqtaldy, dep habarlaıdy QazAqparat tilshisi.

Elordalyq «Astana» syrt alańda Aqtaýdyń «Kaspıı» komandasymen kezdesti. Alań ıeleri qatarynan 2-mınýtta Alekseı Zaleskıı qyzyl qaǵaz alyp, alańnan qýylǵan edi. Soǵan qaramastan aqtaýlyq komanda oıynshylary toqsan mınýt boıy azýly qarsylasyna tótep bere bildi. Kezdesý overtaımǵa ulasty. Overtaımnyń 116-mınýtynda elordalyq Islambek Qýat qaqpany dál kózdedi.

Eki komanda arasyndaǵy alǵashqy kezdesýde 3:3 esebimen túsken bolatyn.

Al «Taraz» óz alańynda Qaraǵandynyń «Shahterimen» alǵashqy kezdesýinde 0:0 esebimen teń tústi. Bul kezdesý qaraǵandylyq ujymnyń eýrokýbok oıyndaryna qatysýyna baılanysty 21 tamyzdan búginge shegerilgen edi. Eki komanda endi 27 qazanda qarymta oıyn ótkizedi.

Sondaı sebeptermen dál qazir Almatyda «Qaırat» pen Qyzylordanyń «Qaısary» alǵashqy oıynyn ótkizýde.

Al Qostanaıda «Tobyl» men Petropavldyń «Qyzyljary» qarymta kezdesýge shyqty. Alǵashqy oıynda «Tobyl» 1:0 eesbimen jeńiske jetti.


Avtor Ádiljan Úmbet
Basty sózder: Sport,
Joǵary qaraı