Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Qazaqstan quramasy jańa júıeni iske qosty

2021 jyldyń 21 aqpan 2021 18:24

NUR-SULTAN. QazAqparat - Túrkııanyń Antalııa qalasynda ótip jatqan oqý-jattyǵý jıynynda Qazaqstan quramasynyń bapkerler shtaby jańa júıeni iske qosty, dep habarlaıdy QazAqparat Olympic.kz saıtyna silteme jasap.

Qazaqstan fýtbol federatsııasynyń baspasóz qyzmeti málimetinshe, qazaqstandyq klýbtarda óner kórsetetin fýtbolshylardyń dál qazirgi mezettegi fızıkalyq jaǵdaılary tekserilip, olardyń kórsetkishteri arnaıy bazaǵa engizildi. Aldaǵy ýaqytta qurama komandaǵa alynatyn oıynshylardyń nátıjeleri osy qordan alynyp, olardyń ár ýaqytta qandaı progress jasaǵany belgili bolmaq. Sonymen qatar, 6 aı buryn alynǵan nátıjesinen tómen kórsetkish tirkegen fýtbolshy kerisinshe fızıkalyq turǵydan nasharlap ketkenin de anyq ańǵarýǵa bolady deıdi bas bapker Talǵat Baısýfınov. Ol qaraǵandylyq «Shahter» komandasynyń oıynshylaryn tekseristen ótkizip, óz pikirin bildirdi.

«Biz belgili bapker Pavel Cherepanovpen birlese otyryp búkil fýtbolshynyń dál qazirgi fızıkalyq jaǵdaıyn ólshep, serverge tirkep qoıýdy jón sanap otyrmyz. Mundaı júıe qazaq fýtbolynda buryn bolǵan. Biraq, bizdiń qazir istep jatqan júıemiz sál keńeıtilgen, tolyqtyrylǵan nusqa bolady. Mysaly, qazir «Shahter» fýtbol klýbynyń oıynshylaryn túgelimen tekserip aldyq. Olardyń ishinde jas aıaqdopshylar da bar. Bálkim olar premer-lıga oıyndarynda ózderin kórsetip, talanttaryn tanytatyn bolsa, osynda jınap alǵan sandarǵa baılanysty biz qorytyndy shyǵaramyz. Kelesi bir oqý-jattyǵý jıynyna shaqyrǵan kezde osyndaı testti taǵy bir márte qaıtalap alamyz», - deıdi Qazaqstan quramasynyń bas bapkeri.
Basty sózder: Sport,
Joǵary qaraı