Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Konferentsııa lıgasy: «Qaırat» «Bazelge» jol berdi

2021 jyldyń 25 qarasha 2021 23:43

NUR-SULTAN. QazAqparat - 25 qarashada UEFA Konferentsııa lıgasy toptyq satysynda qazaqstandyq «Qaırat» besinshi oıynyn Shveıtsarııanyń «Bazel» komandasyna qarsy ótkizdi, dep habarlaıdy QazAqparat tilshisi.

Eýrokýbok oıyndaryn almatylyq klýb sátsiz ótkizip keledi. Qazirge deıin «Qaırat» óz tobynda 1 upaımen sońǵy orynda tur. «Bazel» 8 upaımen ekinshi orynǵa jaıǵasqan edi.

Birinshi kezeńniń 23-mınýtta almatylyq klýbtan Vagner Lav esep ashty. Al 45-mınýtta «Bazel» oıynshysy Artýr Kabral penaltıden tarazy basyn teńestirdi.

Ekinshi kezeńniń 56-mınýtta Kamo Oganesıan qaıtadan «Qaıratty» alǵa shyǵardy. Ókinshke oraı, odan keıin shveıtsarııalyq klýbtan Edon Jegrova 69, Paıtım Kasamı 72-mınýttarda kózdegen nysanadan múlt ketken joq.

Osylaısha «Qaırat» qarsylasynan 2:3 esebimen jol berdi.

Aıta ketsek, búgin brazılııalyq shabýylshy Vagner Lav «Qaırat» quramyndaǵy sońǵy oıynyn ótkizdi. Ol byltyr jazdan beri almatylyq klýb namysyn qorǵaǵan bolatyn.

Eki komanda arasyndaǵy alǵashqy oıynda «Bazel» 4:2 esebimen basym tústi.

Aıta ketsek, «Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.

«Qaırat» endi altynshy týr oıynyn 9 jeltoqsanda Kıprde «Omonııa» komandasyna qarsy ótkizedi.


Avtor Ádiljan Úmbet
Basty sózder: Sport,
Joǵary qaraı