Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Konferentsııa lıgasy: «Qaırat» búgin «Bazelmen» kezdesedi

2021 jyldyń 25 qarasha 2021 15:04

NUR-SULTAN. QazAqparat - Búgin, 25 qarashada UEFA Konferentsııa lıgasy toptyq satysynda qazaqstandyq «Qaırat» besinshi oıynyn Shveıtsarııanyń «Bazel» komandasyna qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 21.30-da bastalyp, «Qazaqstan» telearnasynan tikeleı efırde kórsetiledi.

Oıyn Almaty qalasyndaǵy ortalyq stadıonda ótkiziledi.

Kezdesýde grýzııalyq Goga Kıkacheıshvılı bas tóreshi qyzmetin atqarady. Oǵan otandastary Davıt Gabısonııa men Georgıı Elıkashvılı kómekshilik jasaıdy. Qosalqy tóreshi de - sol eldiń ókili Iraklıı Kvırıkashvılı.

Eki komanda arasyndaǵy alǵashqy oıynda «Bazel» 4:2 esebimen basym tústi.

«Bazel» klýby 1893 jyly qurylǵan. Óziniń elinde 20 márte chempıon atanǵan edi. Eýrokýbok oıyndaryna turaqty túrde qatysyp keledi.

Aıta ketsek, «Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.

Qazir «Qaırat» óz tobynda 1 upaımen sońǵy orynda tur. «Bazel» 8 upaımen ekinshi orynda keledi.


Avtor Ádiljan Úmbet
Basty sózder: Sport, Fýtbol,
Joǵary qaraı