Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Konferentsııa lıgasy: Qazaqstandyq klýbtardyń oıynyn qaıdan kórýge bolady

2021 jyldyń 5 tamyz 2021 16:49

NUR-SULTAN. QazAqparat - Búgin, 5 tamyzda UEFA Konferentsııa lıgasy úshinshi irikteý satysynda qazaqstandyq «Astana», «Tobyl» jáne «Shahter» komandalary qarymta oıyndaryn ótkizedi, dep habarlaıdy QazAqparat tilshisi.

Elordalyq «Astana» syrt alańda fınlıandııalyq KýPS komandasymen kezdesedi.

Match elorda ýaqytymen 22:00-ge belgilengen.

Konferentsııa kýbogynda «Astana» ekinshi irikteý satysynda Grekııanyń «Arısin» (2:0, 1:2) jeńgen bolatyn.

KýPS klýby 1923 jyly qurylǵan. Fınlıandııanyń alty dúrkin chempıony. Sońǵy márte 2019 jyly altynnan alqa taqty.

KýPS Konferentsııa kýbogynda KýPS Ýkraınanyń «Vorskla» klýbyn (2:2, 3:2) qapy qaldyryp ketti.

Taǵy bir oıynda Qostanaıdyń «Tobyly» elordada Slovakııanyń «Jılına» komandasyn qabyldaıdy.

Atalǵan klýb 1908 jyly qurylǵan. Óz elinde jeti márte chempıon atandy. Sońǵy ret bul ataqqa 2017 jyly qol jetkizdi. Byltyr kúmis júldeger boldy. 2010/11 jylǵy kezeńde Chempıondar lıgasy toptyq kezeńinde Anglııanyń «Chelsı» (1:4, 1:2), Frantsııanyń «Marsel» (0:1, 0:7), Reseıdiń «Spartak» (1:2, 0:3) klýbtarymen kezdesip, birde-bir upaıǵa qol jetkizgen joq.

Ekinshi irikteý satysynda «Jılına» Kıprdiń «Apollon» klýbynan (3:1, 2:2) myqty ekenin kórsetti. Al «Tobyl» Horvatııanyń «Haıdýk» klýbyn (0:2, 4:1) qapy qaldyryp ketti.

Kezdesý elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.

Al Qaraǵandynyń «Shahteri» búgin syrt alańda Ýkraınanyń «Kolos» (Kovalevka) komandasymen kezdesedi.

«Kolos» komandasy 2012 jyly qurylǵan. 2018/19 jyly Ýkraına birinshiliginde kúmis júldeger boldy. Byltyr tórtinshi orynǵa turaqtady.

Ýkraınalyq klýb birden Konferentsııa kýbogy úshinshi irikteý satysyna joldama aldy.

Al «Shahter» ekinshi irikteý satysynda Rýmynııanyń FKSB ( burynǵy ataýy «Stıaýa») klýbyn (0:1, 2:1, penaltıden 5:3) jeńdi.

Kezdesý elorda ýaqytymen 00:00-de bastalyp, «Qazsport» telearnasynan tikeleı efırde kórsetiledi.


Avtor Ádiljan Úmbet
Basty sózder: Sport, Qoǵam,
Joǵary qaraı