Aýa raıy
Astana -7 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Fýtboldan Premer-lıganyń el birinshiligi: «Tobyl» - kúmis, «Astana» - qola júldeger

2020 jyldyń 27 qarasha 2020 20:34

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń aıaqtalýyna bir týr qaldy. Degenmen, chempıon jáne júldegerler tolyq anyqtaldy, dep habarlaıdy QazAqparat tilshisi.

Bıyl chempıondyq ataq Almatynyń «Qaıratyna» buıyrdy. Al búgingi týrda Qostanaıdyń «Tobyly» kúmis, elordalyq «Astana» qola medal ıegeri atandy.

Búgin «Astana» Taldyqorǵannyń «Jetisýyn» 2:1 esebimen jeńgen bolatyn. Al qostanaılyq klýb jambyldyq «Taraz» komandasynan 2:0 esebimen basym tústi.

Osylaısha qostanaılyq komanda 38 upaı jınap, Premer-lıganyń aıaqtalýyna bir týr qalǵanda «Astanadan» bes upaıǵa uzap ketti.

Eske salsaq, «Tobyl» budan buryn 2003, 2005, 2007, 2008 jyldarda kúmis júldege qol sozdy. Al 2010 jyly Qazaqstan chempıony atansa, 2002, 2004, 2006, 2018 jyldarda úshinshi oryn aldy.

Sondaı-aq, búgin Qaraǵandynyń «Shahteri» Aqtaýdyń «Kaspııin» 4:0, Petropavldyń «Qyzyljary» Qyzylordanyń «Qaısaryn» 2:1 esebimen jeńdi. Atalǵan týrdaǵy «Qaırat» pen «Oqjetpes» komandalary aldyn ala 11 naýryzda kezdesip, almatylyqtar 5:0 esebimen basym tústi.


Avtor Ádiljan Úmbet
Basty sózder: Sport, Aımaq, Almaty,
Joǵary qaraı