Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Fýtzaldan Chempıondar lıgasy: «Qaırat» «Aner-Vılnev» klýbymen teń tústi

2021 jyldyń 3 jeltoqsan 2021 18:53

NUR-SULTAN. QazAqparat - Búgin qazaqstandyq «Qaırat» fýtzaldan UEFA Chempıondar lıgasy elıtalyq satysyndaǵy ekinshi oıynyn ótkizdi, dep habarlaıdy QazAqparat tilshisi.

Qazaqstandyq komanda ekinshi oıynyn Frantsııanyń «Aner-Vılnev» klýbymen sheberlik baıqasty.

Kezdesýdi frantsııalyq komanda belsendi bastady. Nátıjesinde olardyń qatarynan Rodrıgo Da Sılva 13, Bolınıa 14-mınýttarda mergendik tanytty. Al odan keıin almatylyq klýbtan Edson 15-mınýtta esep aıyrmasyn qysqartty. Osylaısha birinshi kezeńde «Qaırat» 1:2 esebimen jol berdi.

Ekinshi kezeńniń alǵashqy mınýttarynda qazaqstandyq klýb alǵa umtyldy. Oıynnyń 21-mınýtynda Dıego Favero kózdegen nysanadan múlt ketpeı, tarazy basyn teńestirdi. Ol 29-mınýtta «Qaıratty» alǵa shyǵardy.

Eske salsaq, «Qaırat» buǵan keıin 2 jeltoqsanda Belarýs klýby «VıtEn-nen» basym tústi.

«Qaırat» endi 5 jeltoqsanda «Tıýmen» klýbymen oınaıdy.

Aıta ketsek, almatylyq klýb A tobynda synǵa tústi. Qarsylastary - «VıtEn» (Belarýs),«Aner-Vılnev» (Frantsııa) jáne «Tıýmen» (Reseı) komandalary.


Avtor Ádiljan Úmbet
Basty sózder: Sport, Fýtbol,
Joǵary qaraı