Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Fýtzaldan Eýropa chempıonaty: Búgin Qazaqstan Italııamen kezdesedi

2022 jyldyń 28 qańtar 2022 11:16

NUR-SULTAN. QazAqparat - Búgin fýtzaldan 2022 jylǵy Eýropa chempıonatynda Qazaqstan quramasy toptyq kezeńdegi úshinshi oıynyn Italııaǵa qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 22.30-da bastalyp, «Qazsport» telearnasynan tikeleı efırde kórsetiledi.

Sondaı-aq, atalǵan topta dál sol ýaqytta Fınlıandııa jáne Slovenııa quramalary kezdesedi.

Eki týrdan keıin 4 upaımen Qazaqstan kósh bastap tur. Aldymen qazaqstandyq fýtzalshylar Slovenııamen 4:4 esebimen teń tússe , odan keıin Slovenııany 6:2 esebimen tize búktirdi.

Odan keıingi oryndardaǵy Italııa men Slovenııanyń enshisinde eki-ekiden upaıdan bolsa, Fınlıandııa bir upaı enshilegen. Sondyqtan búgin qazaqstandyq fýtzalshylar jeńiske jetýi nemese teń túsýi qajet. Árbir toptan alǵashqy eki oryn alǵan quramalar shırek fınalǵa joldama alady.

Italııa álemde aldyńǵy qatardaǵy qurama qatarynda sanalady. Álem chempıonatynda bes márte baq synap, 2004 jyly kúmis júldeger atandy. Eýropa chempıonatyna 8 márte qatysyp, 2003, 2014 jyldarda álem chempıony ataǵyn jeńip aldy.

Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan kúnderi ótkiziledi.

Eýropa chempıonaty 1996 jyldan beri turaqty túrde ótkizilip keledi. Búginge deıin Ispanııa - 7, Italııa - 2, Reseı men Portýgalııa 1 márte chempıon atandy.

Eske salsaq, Qazaqstan quramasy buǵan deıin Eýropa chempıonaty fınaldyq satysynda eki márte synǵa tústi. 2016 jyly - 3, 2018 jyly 4-oryn aldy.

Sondaı-aq, búgin A tobynda Ýkraına men Portýgalııa, Nıderlandy men Serbııa quramalary kezdesedi.


Avtor Ádiljan Úmbet
Basty sózder: Sport,
Joǵary qaraı