Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ǵabıt Muqanov Shymkent qalasynyń prokýrory bolyp taǵaıyndaldy

2021 jyldyń 4 tamyz 2021 14:56

ShYMKENT. QazAqparat - Prezıdent Ákimshiliginiń kelisimi boıynsha QR Bas prokýrorynyń buıryǵymen Ǵabıt Qasymbekuly Muqanov Shymkent qalasynyń prokýrory bolyp taǵaıyndaldy, dep habarlaıdy QazAqparat.

Jańa basshyny Bas prokýrordyń orynbasary E.Kenenbaev tanystyrdy.

Májiliske qala ákimi Murat Áıtenov qatysyp, jańadan taǵaıyndalǵan qala prokýrorynyń jumysyna sáttilik tiledi.

- Ǵabıt Qasymbekulyn prokýratýra organdary salasynda kóp jyldyq eńbegi bar, tájirıbeli zańger retinde bilemiz. Elge syıly, abyroıy bıik, parasatty azamat retinde tanımyz. Respýblıkalyq mártebesi bar Shymkent qalasyn jańa ortalyq retinde damytý mindeti tur. Alǵa qoıǵan maqsatymyzǵa qol jetkizýde eń aldymen zań ústemdigin qamtamasyz etýimiz qajet. Shymkentti quqyqtyq turǵyda úlgili qalaǵa aınaldyrý baǵytynda sizdermen, prokýratýra organdarymen, áriptestik baılanysta jumys júrgizemiz dep senim bildiremin, - dedi megapolıs ákimi.

Ǵabıt Muqanov 1977 jyly Almaty oblysynda dúnıege kelgen.

Eńbek jolyn 1998 jyly Almaty oblysy Kerbulaq aýdany prokýrorynyń kómekshisi qyzmetinen bastaǵan.

Almaty oblysy Kerbulaq jáne Talǵar aýdandary, Almaty qalasy Almaly aýdany prokýrorlarynyń orynbasary, Almaty oblysy Talǵar aýdanynyń jáne Almaty qalasy Medeý aýdanynyń prokýrory, Nur-Sultan qalasy prokýratýrasynyń basqarma bastyǵy –Apparat basshysy jáne Nur-Sultan qalasy prokýrorynyń orynbasary laýazymdarynda qyzmet atqarǵan.

2019 jyldan bastap QR Bas prokýratýrasynyń kadrlardy damytý departamentin basqardy.


Joǵary qaraı