Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Gaıtıdiń premer-mınıstrine de qastandyq jasaldy

2022 jyldyń 3 qańtar 2022 02:02

NUR-SULTAN. QazAqparat - Gaıtıdiń premer-mınıstri Arıel Anrıge eldiń soltústigindegi Gonaıv qalasynda respýblıka táýelsizdiginiń 218 jyldyǵyn toılaý kezinde qastandyq jasaldy, dep habarlaıdy TeleSUR telearnasy.

Málimetke saı, merekeni toılaý rásimine saı ǵıbadathanada bolǵan sharadan shyǵyp kele jatqan Anrıge belgisiz bireýler birneshe ret oq atqan. kúzet qyzmeti dereý áreket etip, mınıstrler kabınetiniń basshysyn qaýipsiz jerge alyp shyqqan. Premer-mınıstr japa shekpegen.

Atys kezinde birneshe adamǵa oq tıip, jaralanǵan. Al bir adam qaza tapqan.

Osy oqıǵadan soń birqatar saltanatty sharalar keıinge shegerildi.

Aıta keteıik, ótken jeltoqsan aıynyń sońynda Gaıtıde áreket etetin qarýly top premerge bul ólkege kelmeýin eskertken jáne qalanyń bas alańynda sahnany quryp júrgen qyzmetshilerge oq atyp, shabýyl jasaǵan edi.

BUU 2021 jyldyń 7 shildesine aýǵan túni el prezıdenti Jovenel Moız óltirilgen soń jáne tamyz aıynda 2,2 myń adamnyń ómirin qıǵan jer silkinisinen soń elde qaýipsizdik jáne gýmanıtarlyq ahýal salasyndaǵy jaǵdaıdyń kúrt qıyndap ketkenin aıtyp, dabyl qaǵýda.





Avtor Erbol Janat
Basty sózder: Álem, Oqıǵa,
Joǵary qaraı