Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ǵalym koronavırýstyń omıkron nusqasynyń paıda bolý sebepteriniń birin aıtty

2021 jyldyń 31 jeltoqsan 2021 11:11

ALMATY. QazAqparat - Koronavırýstyń jańa nusqalary vaktsınalaný deńgeıi tómen elderden keledi. Bul týraly Qazaqstannyń profılaktıkalyq medıtsına akademııasynyń prezıdenti Almaz Sharman málim etti, dep habarlaıdy QazAqparat tilshisi.

Professor Almaz Sharmannyń aıtýynsha, omıkron nusqasynyń paıda bolý sebepteriniń biri, vaktsınalanbaǵan adamdardyń aǵzasynda vırýstyń uzaq replıkatsııasynyń bolýynan týyndaıdy.

«Omıkron nusqasy ımmýndyq qorǵanysty jeńe alady. Immýndyq jaýapty kúsheıtý úshin óte mańyzdy tetikti – býsterlik dozamen revaktsınatsııany barynsha qosýdyń ýaqyty keldi», - deıdi Almaz Sharman.
Medıtsına professory revaktsınatsııany usynady, óıtkeni bul beıtaraptandyratyn antıdeneler deńgeıin yntalandyratyn úshinshi vaktsına, ol shynymen koronavırýstan qorǵaıdy. Sonymen qatar, úshinshi vaktsına aýrýdyń aýyr túrlerinen qorǵaıdy. Ol joǵalǵan ımmýndyq qorǵanysty qalpyna keltiredi.
60 jastan asqan adamdarǵa, sondaı-aq dıabetpen, semizdikpen, gıpertonııamen, júrek-tamyr, aýtoımmýndyq jáne basqa aýrýlarmen aýyratyn adamdarǵa qaıta vaktsınatsııalaý óte mańyzdy. Adamdardyń bul sanattary omıkron paıda bolý qarsańynda birinshi kezekte vaktsınalaýdy jáne revaktsınatsııany qajet etedi.
«Vırýstyń bul nusqasyna nemquraı qaraýǵa bolmaıdy. Bul ınfektsııalardyń aldyn alý úshin bárimizge, sonyń ishinde balalarǵa da sharalar qabyldaý kerek», - dedi professor.
Ǵalym omıkron sońǵy mýtatsııalanǵan vırýstardyń biri taǵy bir tolqyn týdyrýy múmkin ekenin aıtty.
«Bul pandemııanyń sońǵy kezeńi bolady dep úmittenemin, biraq koronavırýs esh jerde joıylmasa da, bul endemıkalyq ınfektsııa bolady, ol mezgil-mezgil ózin eske salady. 2022 jyly biz biletin pandemııa aıaqtalady dep úmittenemin», - dep qorytyndylady sózin Almaz Sharman.

Avtor Alma Muqanova
Basty sózder: Almaty, Koronavırýs, Ǵylym,
Joǵary qaraı