Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ǵalymjan Nııazov Mańǵystaý oblysynda qansha mal qyrylǵanyn aıtty

2021 jyldyń 15 qyrkúıek 2021 13:40

NUR-SULTAN. QazAqparat – Mańǵystaý oblysyndaǵy qýańshylyq saldarynan 1 163 mal basy qyrylǵan. Bul týraly Mańǵystaý oblysy ákiminiń orynbasary Ǵalymjan Nııazov aıtty, dep habarlaıdy QazAqparat tilshisi.

«Statıstıkalyq málimetke sáıkes, osy jyldyń 1 tamyzdaǵy jaǵdaı boıynsha oblysta 629 336 mal basy bar. Al aýyl sharýashylyǵyn birizdendirý bazasynda tirkelgen mal basy - 639 493. 77 myń tonna mal azyǵyn daıyndaý josparda boldy. Mańǵystaý, Beıneý, Qaraqııa, Túpqaraǵan, Munaıly aýdandaryna 41 470 tonna shóp ákelindi. Qys aılaryna 35 530 tonna shóp ákelýdi josparlap otyrmyz. 25 530 tonna kóp ózge oblystardan tasymaldanady. Al oblysymyzdyń aýmaǵynda 10 myń tonna shóp shabylady. Jyl ortasynda mal azyǵyna satyp alýǵa 204 mln teńge bólindi. Onyń ishinde 150 mln teńgesi basqa oblystardan shóp tasymaldaýǵa jumsaldy. Shóp 1 kelisi 55 teńgeden satyldy. Munan bólek jemge 54 mln teńge jumsaldy. Endi aldaǵy qys aılaryna Úkimet qoldaýymen mal azyǵyn alýǵa 5,3 mlrd teńge josparlanyp otyr. Qazirgi ýaqytta onyń 1,4 mlrd teńgesi bólindi. Jem satyp alýǵa bólingen qarajattyń somasy – 1 mlrd teńge. Qarjy aýdandarǵa mal basy sanyna qaraı bólinedi», - dedi oblys ákiminiń orynbasary ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, qazirgi ýaqytta Aqmola, Qostanaı, Soltústik Qazaqstan oblystarynan mal azyǵyn jetkizý baǵytynda jumys júrgizilip jatyr.

Bul rette «Qazaqstan temir joly» kompanııasy jem-shóp tasymaldaý qyzmeti úshin Mańǵystaý oblysyna 75 paıyzdyq jeńildik berip otyr.

«Oblysymyzda bireýler 5 myń mal basy qyryldy dep júr. Sáýirde ár aýyldyń janynan bıotermııalyq shuńqyr qazyp, 1 163 ólgen maldy kómdik. 1 163 maldyń tek 194-i ǵana tirkelgen. Qalǵan maldyń ıesi joq, ıesi kim ekendigi belgisiz. Mal ólimine qatysty 7 azamattan ǵana aryz tústi»,- dedi Ǵalymjan Nııazov.


Joǵary qaraı