Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Gandboldan álem chempıonaty: Qazaqstan qyzdary Rýmynııaǵa ese jiberdi

2021 jyldyń 6 jeltoqsan 2021 00:26

NUR-SULTAN. QazAqparat - Búgin gandboldan álem chempıonatynda Qazaqstan qyzdar quramasy ekinshi oıynyn Rýmynııaǵa qarsy ótkizdi, dep habarlaıdy QazAqparat tilshisi.

Qazaqstan qyzdary S tobynda synǵa túsedi. Qarsylastary – Norvegııa, Rýmynııa jáne Iran quramalary.

Rýmynııa álemde úzdik kórsetkishimen baǵalanady. Álem chempıonatynda 1962 jyly altyn alsa, odan keıin eki márte kúmis, bir ret qola júldeger atandy. Sondaı-aq, 2010 jyly Eýropa chempıonatynda qola júldege qol sozdy.

Búgingi kezdesýde rýmynııalyq gandbolshylar shıraq qımyldaı bildi. Nátıjesinde birinshi kezeń olardyń basymdyǵymen 14:9 esebimen aıaqtaldy.

Ekinshi kezeńde rýmyndar basymdyǵyn arttyra tústi. Olardyń tarapynan kóbirek shabýyl uıymdastyryldy.

Kezdesýde Qazaqstan qyzdary qarsylasynan 17:38 esebimen jeńilip qaldy.

Endi Qazaqstan qyzdary 7 jeltoqsanda Iran quramasymen kezdesse, Rýmynııa Norvegııamen sheberlik baıqasady.

Eske salsaq, budan buryn ulttyq qurama Norvegııaǵa jol berdi.

Álem chempıonaty 1-19 jeltoqsan aralyǵynda Ispanııanyń Lırııa, Kastelon, Granolers, Torreveha qalalarynda ótkiziledi. Dúbirli dodada barlyǵy 32 qurama baq synaıdy.



Avtor Ádiljan Úmbet
Basty sózder: Sport,
Joǵary qaraı